բերանը տալ

Վիքիբառարան-ից
Jump to navigation Jump to search

Հայերեն դարձվածք

բերանը տալ1[խմբագրել]

  1. երախը՝ ռեխը տալ, մեկի դատաստանին հանձնել. զոհ՝ բաժին դարձնել ◆ Գյուղխորհրդի բերանը կտամ, կախարդ, ձենդ դուրս չգա: (Հրանտ Մաթևոսյան) ◆ Սրանց կգզգզե՜ն, կտան ամբոխի բերանը, ողջ տեղերը ականջնե՜րը կթողնեն: Դերենիկ Դեմիրճյան ◆ Կատակը դո՛ւք եք անում, որ տվել եք գազանի երախը մի բուռն սթափ ու զգոն մարդկանց: Դերենիկ Դեմիրճյան ◆ Անտերը գելը գեղի վրա պիժտիտ է գալի. հեռանում չի: Տղե՛ք, զգույշ կացեք, ապրանք չը տաք ռեխը: Հովհաննես Թումանյան ◆ Իրանք հրամայում են գողանալ, հետո պրիկաշչիկներին կամ մշակների են բերան տալիս: ԱլՇ ◆ Դուք անոնց անունները կը լռեք իբրև խոհեմություն: Ի՞նչպես կ'ուզեք որ ես Ձեզմե ավելի միամիտ ըլլամ ուրիշները հականե հանվանե բերան տալով: (Դանիել Վարուժան)
  2. (մի բանի բերանը տալ), թողնել որ մի բան իր գործն անի ◆ Այլևս որո՞ւն համար օժիտը… վերջացավ… ամե՜ն… ինչ վերջացավ բոլորը տալ մկրատին բերանը: Արմեն Դարյան ◆ Քաղաքակրթությունն ահա անորոշության մութից դրանք հայտնաբերել ու տվել է հաշվիչ մեքենաների բերանը: (Հրանտ Մաթևոսյան)

բերանը տալ2[խմբագրել]

  1. փոխանցել, առիթ տալ որ, խոսի ◆ Մենք լռենք ու է՛լի Սահրատի բերանը տանք շարունակելու յուր պատմությունը: (Պերճ Պռոշյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։