լռեցնել, ստիպել լռել ◆ Սուլթանը հույս ուներ, թե այդ ձևով մեկընդմիշտ կփակի հայ ժողովրդի՝ բարեփոխումներ պահանջող բերանը։ Ֆրանց Վերֆել◆ Այսպես, վերջնականապես փակելե ետք այդ անպատեհ հարցումը տվողին բերանը, ինքնագոհ, ուրախ էր որ ուղղակիորեն հետ մահու վարկ մըն ալ ապահովեց Վարդանին։ Անդրանիկ Ծառուկյան◆ —Լա՛վ, ես փակել կտամ այդ հայհոյող բերանները։ (Մուրացան)◆ Լրագիրները կաշառվեցան այդ երկու անցքերը չգրելու համար, և քանի մը հարյուր ոսկիով աղջկան ծնողաց բերանը գոցեց։ Տիգրան Կամսարական◆ Եվ տակի քարը դուրս չհանել։ Կողպել բերանները։ Սիմոնյան ◆ —Ամա՜ն, իշտե ամեն մարդ մեյմեկ բան կ՚ըսե․․․ ամենուն բերանը կրնա՞ս կղպել։ Երվանդ Օտյան◆ Կարող է ուզած պահին խցկել հանճարի բերանը, ուզած պահին հրամայել՝ դու այս բանը չստեղծես։ «Հայք»◆ —Խոսքը տվեք, որ բերանիս փակ չդնեք, թողաք, որ սրտինս դուս ասեմ։ (Պերճ Պռոշյան)◆ Մարդ է, չի ուզում, չի հավատում, որի՞ բերանին փակ ու փականք դնես։ ◆ Երկու օր է․․․ Ակոյին լեզուն առել, բերանին կղպանք զարկեր են։Բենիամին Նուրիկյան◆ Համեստությունը․․․ այնքան զորեղ կերպով կապանքներ է դնում պարկեշտ աղջկա բերանին։ (Մուրացան)◆ Հրամայում եմ / Լռել ձեզ, տիկին, թե չե այս թղթով/ Կապանք կդնեմ ձեր շրթունքներին։ (Շիրվանզադե)
համարձակ խոսել՝ իր կամքն արտահայտել չթողնել ◆ —Համա քյասիբի բերանը փակողը փողն ա, փողը մարդու ձեռ ու ոտ կապում ա։ Մաթևոս Դարբինյան◆ —Խոսի՛ր, ինչ որ մտածում ես, ասա՛։ Ո՞վ է բերանդ փակել։
զարմանք պատճառել, ապշահար անել ◆ —Ամենքը հարուստ էին, հացով, քաղաքավարությունով, լեզվով աշխարհքի բերանն էին փակել, այսօր ընդհակառակն ամեն տնաքանդություն ձեր միջիցն է դուրս գալիս։ (Պերճ Պռոշյան)
