բերանը փակ պահել

Վիքիբառարան-ից

Հայերեն դարձվածք

  1. լուռ մնալ ◆ «Մենք՝ հայերս, շատ ենք խոսում։ Բերաններս գոց պահել չգիտենք։» ◆ Բաս վուր ասում իմ բերանդ կոխպած պահել, գանա [«մ՞իթե»] ասում իմ, վուր հացի ու ջրի անում մի՛ տա՜։ Սունդ. ◆ Հաճի [հաջի] Աննան չորս հինգ անգամ բռնադատած էր ինքզինքը բերանը պիրկ բռնելու ու իր մտքին ներկայող պատկերը նետելու հեռումները։ Օշ.
  2. գաղտնիքը դուրս չտալ ◆ Ամեն ինչ գիտե ու չի կարողանում բերանը փակ պահել։ ◆ Պիտի շարունակե բերանը փակ պահել մինչև հինգշաբթի օր։ «Զարթոնք» ◆ Կը խորհեր թե այնքան ուժ ուներ, որ լսածներուն մասին բերանը գոց պահեր։ ◆ Ու անոնք ժամուն ՄԵծ Ավետարանին վրա երդում ըրին ձիգ բռնելու իրենց բերանը։ Օշ.
  3. լռել ու չդիմադարձել ◆ —Ինչո՞ւ ես այդպես հանդուգն։ Ինչո՞ւ չես վիզդ ծուռ պահում, բերանդ՝ փակ։ Սերո Խանզադյան ◆ —Քու բերանը գոց կպահիս ու ձեն-ձուն չես հանի։ Մուշեղ Գալշոյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։