բույն դնել

Վիքիբառարան-ից
Jump to navigation Jump to search

Հայերեն դարձվածք

  1. ներսը թափանցել ու հաստատվել (առավ. զգացումների մասին) ◆ - Անմիաբանությունը, երկպառակտությունը... հազար ու մեկ այս տեսակ չարություններ շատ ժամանակներից բույն են դրել մեր հոգու մեջ, - և մենք կրում ենք այդ մեղքերի պատիժը: (Րաֆֆի) ◆ - Ասա՛ ինձ, այս ի՞նչ զգացում է, որ բույն է դրել հոգուս մեջ՝ քեզ տեսնելու վայրկյանից: (Ավետիք Իսահակյան) ◆ Ուրկե՞ մտավորականներու դեմ այս մեծ ատելությունը բույն դրած է մտքիս ու հոգիս խորը: Վազգեն Շուշանյան ◆ Մեր ժողովրդի էության մեջ երկար ատենե ի վեր բույն դրած վախի զգացումը չքացավ: «Զարթոնք»
  2. հաստատվել, հիմնավորվել (մի տեղում) ◆ Ամբողջ տարի էր, ինչ բույն էր դրել մի վատաբախտ ընտանիք: Ահ. ◆ Բայց կը վախնար ժողովուրդի սրտին մեջ բույն հաստատած հողի սերեն: Գ.Ա.Կ. ◆ - Օտարը շնորհիվ մեր պետության թուլությանը, բույն դրած մեջ մեջ, ձեռք է դնում մեր ամեն սեփականության վրա: Վրթանես Փափազյան
  3. չար գործունեության որջ դառնալ ◆ Ուրիշ երկրներում բույն դրած իր «5-րդ զորասյունին» կոչ է անում պայքարել «մինչև արյան վերջին կաթիլը»: «Եր.» ◆ Նրանք օձի բույն էին դրել նաև հյուսիսային երկաթուղու քարշի տեղամասում: «Եր.» ◆ Ճանապրհային ռեստորանների և բու ֆետների տրեստի սիստեմում սկսեցին բուն դնել նախկինում դատապարտված և առևտրի կանոնները ոտնահարած անձինք: «Եր.»

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։