գավազանի հարվածով
Հայերեն դարձվածք
- Ինչ-որ ուժի՝ հանգամանքների անակնկալ բերումով (կտրուկ փոխվելու մասին) ◆ -Շատ շուտ, կախարդական գավազանի հարվածով ստեղծելիք մի այդպիսի կոլեկտիվ կենցաղի կառուցումներ։ Դերենիկ Դեմիրճյան ◆ Ափրիկեի այս անկյունը նստած, գավազանի մեկ հարվածով չէի կրնար հեկտարներ խլել մեր դրացիներեն։ Պողոս Գյուբելյան ◆ Մրցակցի բացակայություն, մի տեղ, մի դիմում, ասես կախարդական գավազանի հարվածով երկնքից իջած մանանա։ Գրիգոր Բալասանյան ◆ Ընդերքիդ հուրն անծանոթ բավիղներդ հազարան / Պիտի կարծես դուրս ժայթքի մոգական մեկ հարվածով: Բյուզանդ Թոփալյան ◆ Ահա կախարդական գավազան մեկ հարվածով իր ցանկացածը կատարվեց։ (Նար-Դոս) ◆ -Կը տեսնեք որ դժոխքը մոգական գավազանով դրախտի փոխվեցավ, շտե [«ահա»]։ (Մկրտիչ Խերանյան) ◆ Թերություններ շատ կան, որոնք կուտակվել են տարիների ընթացքում, և մոգական գավազանով չեն շտկվի։ «Հայաստանի Հանրապետություն» ◆ Այս ամենը «մոգական» գավազանի ուժով անհայտացել է։ Երեկոյան Երևան ◆ Կարծես մոգական մի գավազանի զորությամբ չքացել էր Շահյանի սովորական քնածությունը։ Ն-Դ ◆ Մոգական գավազանի մը զորությամբ փարատեցին ամիսներե ի վեր մտքին մեջ կուտակված մռայլ հարցականներու ապերը։ (Ավետիս Ալիքսանյան) ◆ Ասես կախարդական փայտիկի զորությամբ՝ երեկ բոլորովին անհայտ մի ձախողակ հանկարծ կուռք է դառնում։ Ավ ◆ Չի կարելի հուսալ նաև, թե ճաղատ գլխին կրկին, հեքիաթային փայթիկի թափահարումով իսկույն մազեր կաճեն։ Երեկոյան Երևան ◆ Հրաշքների չի խոստանում Հանրապետության միավորումը, կախարդական փայտիկով խնդիրների լուծում չի խոստանում։ Խնդիրների աստիճանական, քայլ առ քայլ լուծում է խոստանում։ «Հայաստանի Հանրապետություն» ◆ Բժշկին դիմում է այնպիսի անվերապահ պահանջով, որ նա հրաշգործություն անի և կախարդական փայտիկի հպումով դարմանի իր ցավերը։ «Հայաստանի Հանրապետություն» ◆ Տարօրինակ աճպարանքի մեջ էր, կախարդական ճպոտով Հայաստան տարվան մը մեջ բարգավաճաց, շենացած, խաղաղ ու երջանիկ կ՚ուզեր տեսնել։ ◆ Ինչպե՞ս հավատամ ես ձեր այդ հանկարծակի, դյութական մի գավազանի շարժումով ծնված ազգասիրությանը։ (Վահան Տերյան)
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Դերենիկ Դեմիրճյան
- Քաղվածք/Պողոս Գյուբելյան
- Քաղվածք/Գրիգոր Բալասանյան
- Քաղվածք/Բյուզանդ Թոփալյան
- Քաղվածք/Նար-Դոս
- Քաղվածք/Մկրտիչ Խերանյան
- Քաղվածք/«Հայաստանի Հանրապետություն»
- Քաղվածք/Երեկոյան Երևան
- Քաղվածք/Ավետիս Ալիքսանյան
- Քաղվածք/Վահան Տերյան
- Բառեր «Հայերեն դարձվածքների ընդարձակ բացատրական բառարան» գրքից