գերեզման իջնել

Վիքիբառարան-ից
Jump to navigation Jump to search

Հայերեն դարձվածք

  1. (փխբ․) մեռնել ◆ Բայց մեռավ Հերոսն օտարության մեջ, / Օտարի հողում իջավ գերեզման: Սիամանթո ◆ Պարտությունն ինձ համար հավասարազոր էր գերեզման իջնելուն: Եր ◆ Սև օր մըն ալ հավատարիմ կինը միս մինակ ձգեց զենքը և իջավ գերեզման: Վահե Հայկ ◆ Ահա կ'իջնեմ, ո՜հ, ես այժմեն / Առջևս բացված գերեզման խոր: Պետրոս Դուրյան ◆ Հին են ցավերս, հեծեմ և ես, / ժամ է իջնամ ի գերեզման: (Մկրտիչ Պեշիկթաշլյան) ◆ Անվիշտ կյանքիս ամեն աստղեր. հոգըս չէ՛. / Անցյալս իջնա թող դամբան: (Դանիել Վարուժան) ◆ -Ես գիտեմ՝ ջրատար պառավն էսքան ցավերը չի կարող տանել, շուտով գերեզման կմտնի: (Պերճ Պռոշյան) ◆ -Ես հոս եկած եմ... Իսկուհի մկրտվել եմ Իսկուհի էլ գերեզման եմ մտնելու: (Պերճ Պռոշյան)
  2. (փխբ․) թաղվել ◆ Թաթուլը չէր ուզում, որ այդ գաղտնիքը գերեզման իջնի, ծածկվի հավիտյան: Աշոտ Հովհաննիսյան ◆ Աստծու դատաստանին ապավինած եմ, ու կը սպասեմ որ ես ալ աս ճակատագրովս հող գերեզման իջնամ: (Թլկատինցի)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։