գլխին նստեցնել

Վիքիբառարան-ից
Jump to navigation Jump to search

Հայերեն դարձվածք

  1. (խսկց․) իշխանություն բանեցնելու հնարավորություն տալ ◆ -Տղամարդը կնոջը չպետք է պաշտի, երկրպագի, նրա ստրուկը չպետք է դառնա, այլ պետք է աշխատի նրան երես չտալ և չնստեցնել գլխին: Ն-Դ ◆ -Բայց երբ պարսից արքունիքի հետին ծառաները մեզ մոտ են գալիս, մենք ոչ միայն նրանց ամենաբարձր բազմոցն ենք ցույց տալւս, այլ մեր գլխի վրա ենք նստեցնում: (Րաֆֆի)
  2. ղեկավար (ուժ) դարձնել ◆ -Խեչանի ծովի պես հարստությունի տերն ա դառել, հիմի էլ չէիր ուզիլ՝ որ գլխներիս նստեցնեինք: (Պերճ Պռոշյան) ◆ Ես կարծում էի, թե բողոքելով ստեղծագործ միտքը կապիտալին խոնարհեցնելու, կապիտալը մայրենի գրականության գլխին պըպըզեցնելու դեմ-դրանով ես ամենից առաջ գրչակից-ընկերներիս «սրտից եմ ջո՜ւր խմում»։ (Ալեքսանդր Ծատուրյան)
  3. բարձր պատվի արժանացնել ◆ Մողնու վանքի պատվելի ուխտավորներին հո՛ գլխի վրա էր նստացնում: (Պերճ Պռոշյան) ◆ -Քաղցրությամբ վարվեցեք հեղինակներու հետ։ -Գլխուս վրա՞ նստեցունեմ քեզի։ ◆ -Ոտքդ պագնեմ, մի՛ ծաղրեք զիս, ինչու ձեր գլխուն վրա նստեցունեք: Հակոբ Պարոնյան ◆ Ղուլլուղից (պաշտոնատուն) եկած մարդկանցը գլխներիս վրա ենք նստացնում: (Պերճ Պռոշյան)
  4. բեռ դարձնել ◆ -Ի՜նչ ես ուրիշի եթիմը բերել, / Նըստեցրել գըլխիս պարապ հացակեր։ Հովհաննես Թումանյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։