գլխին օյին բերել

Վիքիբառարան-ից
Jump to navigation Jump to search

Հայերեն դարձվածք

  1. փորձանք բերել, խաղ խաղալ, չար կատակ անել ◆ - Այ տղա, գիտե՞ս, թե մի օր դրանք իմ գլխին ինչ օյին բերին: - Ի՞նչ օյին: (Խաժակ Գյուլնազարյան) ◆ -Ես այնպիսի օյին հանեցի նրա գլուխը, որ նա ստիպված եղավ տեղափոխվել ուրիշ համալսարան: Ն-Դ ◆ -Շա՛տին իս խափի էսենց, շա՛տի գլխին իս օյին էկի էսենց, շա՛տին բողազն իս դուս կտրի էսենց: Գաբրիել Սունդուկյան ◆ - Բոլշևիկն եկավ, էն օյինը դրեց էտ քու Մամմադ աղի ու ու Սամադ աղի գլխին, որ հիմի ով գիտա որտեղ են սոված զկռտում: Մաթևոս Դարբինյան
  2. սպառնալիք է ◆ - Անպայման պիտի սիրվեմ, թե չսիրվեմ՝ ես գիտեմ, թե ինչ օյին կհանեմ տղամարդկանց գլխին: (Լեո) ◆ - Մեկ բեր իմ ձեռքս գցե, տես էնոր գլխուն ես ի՞նչ օյին կը հանեմ: Ավճի Շաբուրի տղեն ◆ - Ձեր հե՛րը կանիծեմ, թե ինձ նաչալնիկ չեք արել...ընենց օյին դնեմ գլխներիդ որ...կթողա՞մ սկի որ խաղաք: Վրթանես Փափազյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։