գլխիվայր շրջվել

Վիքիբառարան-ից
Jump to navigation Jump to search

Հայերեն դարձվածք

  1. լրիվ հակառակ վիճակի անցնել ◆ Ելենան նորից մերժեց, ու այստեղ ամեն ինչ շրջվեց գլխիվայր։ «Եր․» ◆ Դեպքերը, կյա՛նքը ամբողջ, գլխիվայր շրջված էին հիմա։ Վահրամ Մավյան ◆ Ու ահա վեր ի վար կը շրջի ամեն բան մեկեն։ Հակոբ Օշական
  2. ամբողջովին հակառակ ուղղությամբ ընթանալ ◆ —Անհետացել է մի գերմանուհի, դեսպանատան աշխատակցուհի․․․։ Պապենի մոտ ամեն ինչ գլխիվայր է շուռ եկել։
  3. ամբոջովին հակառակ ներկայացնել ◆ Այդպիսի դատողությունների մեջ ճշմարտության նշույլ անգամ չկա․ այստեղ ամեն ինչ գլխիվայր է դրված։ «ՍՀ»
  4. աղավաղված տեսք ստանալ ◆ Ու մեկեն, քանի մը օրվան մեջ կապույտ երկինքը պատռեցավ ու ամեն ինչ վերիվայր շրջեցավ, տգեղցավ, պղտոր ու անանուն պատկերի մը վերածելով գեղեցիկ տեսարանը։ Անդրանիկ Ծառուկյան
  5. քարուքանդ՝ տակնուվրա արվել՝ լինել, փչանալ ◆ Գլուխը կորսնցուցած հասարակություկն մը, որուն սովորական նիստ ու կացը վերիվայր շրջված էր, ինչ ընելիքը չէր գիտեր։ ◆ Իրենց կյանքը գլուխն ի վար շրջեցավ իրենց մեկ հատիկ զավակին՝ Խաչիկին կորուստովը։ ◆ Ազգը մի՞թե պիտի տուժե ասոր համար կամ ազգային գործերը վար ի վերո պիտի շրջի՞ն։ Երվանդ Օտյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։