գլուխը մտցնել

Վիքիբառարան-ից
Jump to navigation Jump to search

Հայերեն դարձվածք

  1. սովորեցնել-հասկացնել ◆ Նա բռնազբոսնիկ զվարթնությամբ․․․ և թեթևակի ծաղրով նորակոչիկների գլուխն էր մտցնում ռազմական իմաստությունների հիմունքները։ Գրիգոր Բալասանյան ◆ Երբ այբ ու բենը մտցրիր նրա գլխում, նա կհասկանա, որ միսը ավելի սնունդ է տալիս։ (Րաֆֆի) ◆ Պարզապես մարդկանց գլուխներն են խցկում կեղծագրեր, խեղաթյուրում են իսկական իրավիճակը։ «ՍՀ»
  2. հասկացնել ◆ Մի խոսքով նրա գլուխը մտցրու, որ չի կարելի այդպիսի բաներ անել։ (Վահան Տերյան) ◆ Ճշմարտությունը իրենց գլխուն մտցնելու համար պետք եղավ որ այդ քարերեն մեկը իրենց գլուխն իյնար։ (Ռուբեն Սևակ)
  3. ներշնչել (գաղափար և այլն) ◆ Ես գիտեմ, որ այդ պարոնը քո գլուխը մտցրել է մի քանի վայրիվերո մտքեր։ (Շիրվանզադե) ◆ Մանկությունից մեր գլուխը մի միտք են մտցրել, թե եթե դու տեղ պետք է հասնես, բավական է տնից դուրս գաս ու տրասպորտ նստես։

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։