(օրորել, երերել, երեցնել, վերուվարել, (խսկց․) ժաժ տալ) - գլխի շարժումով հավանականություն, բացասական կամ անորոշ պատասխանի նշան տալ ◆ Աշոտ դային, որպես պատասխան, միայն գլուխը շարժեց, որ նշանակում էր,- մի՛ մտահոգվեք, ամեն ինչ լավ կլինի։ Գուրգեն Մահարի◆ - Գիտեմ,- հաստատական կերպով գլուխը շարժեց Ռա ֆֆի։ ԳԱճ․ ◆ Ավետը հասկացավ, որ փողի մասին էր հարցը, և դրական կերպով շարժեց գլուխը։ (Րաֆֆի)◆ Ամիրյանը գլուխն օրորեց․ նա այդ բանը չի կարծում։Հազիվ թե։ Ստեփան Զորյան◆ - Հլա քիչ ա, հը՞ - աչքերը ոլորելով Գրիգորի վրա, գլուխը երերեց Ցականը։ Ն-Դ ◆ Եվ ահա գլուխները կ’երերան հավանության համաչափ շարժումներով։ (Գրիգոր Զոհրապ)◆ - Աշխարհք է աս, կը կրկնեին գլուխնին երերցնելով։ ն ◆ - Կծիծաղեն աբեշչիկի վրա ու ․․ բան չեն ասի։ Գլուխս երերցրի։ Միամի՜տ Թևոս։ Վրթանես Փափազյան◆ Ամեն տեղ խորին անտարբերությամբ մերժողական կերպով միայն շարժում էին գլուխները։ Ն-Դ ◆ - Այդ հույսերը թող մխիթարեն քեզ, տիկին,- ասաց նա, գլուխը հեգնորեն շարժելով։ (Րաֆֆի)◆ «Մի օր էս բաները հարցրի մեր խաշթառակցի վարժապետին, նա գլուխը ժաժ տվավ հու ասաց․- ունին, բա չունի՞ն»։ (Մուրացան)
