գլուխ ջարդել

Վիքիբառարան-ից
Jump to navigation Jump to search

Հայերեն դարձվածք

  1. լարված մտածել (լուծում գտնելու համար) ◆ -Ի՞նչ է կյանքը, ի՞նչ է մահը - սրա վրա գլուխ շատ է կոտրել հին մարդկությունը և չի դադարում կոտրել տակավին։ Դերենիկ Դեմիրճյան ◆ Շատ գլուխ ջարդելուց հետո պարզվում է,որ այդպիսի դեղ իրոք կա լյարդի համար։ Գևորգ Արշակյան ◆ Պոլսո թերթերը... գրելիք բան մը գտնելու համար իրենց գլուխը կը ջարդեն։ Աշոտ Հովհաննիսյան ◆ Աննա-Խաթունը սարսուռ է զգում Մեհրիի պատմությունից և գլուխ է պատռում, թե ինչ անել։ (Լեո) ◆ Թևերուն առած ուղղությունը մաթեմատիկական հաշվով գտնելու համար տոքթոր Բեյնի [դոքթոր Փեյնի] հետ գլուխ կը պատռեի։ (Մաթևոս Մամուրյան) ◆ Շաբաթներով երկուսս միասին գլուխ ենք ճաքացրել ու չենք կարողացել հասկանալ։ (Պերճ Պռոշյան) ◆ -Ինչ անեմ, ինչ չանեմ,- մտածելով գլուխ էր տրաքացնում Գևոն այսպես։ (Պերճ Պռոշյան)
  2. մի բանի համառորեն ձգտել ◆ Ինչի վրա ես գլուխ եմ ջարդել / Եվ տառապելով տառապել սաստիկ, /Նա ստացել է արդեն... պատրաստի՜։ Պարույր Սևակ ◆ -Թո՛ղ ուրիշները գլուխ կոտրեն ուսում ստանալու։ (Միքայել Նալբանդյան) ◆ -Տակից դուրս եկավ, որ դու մարդու գնալու գլուխ ես եղել պատռելիս։ (Պերճ Պռոշյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։