դեմ ընկնել

Վիքիբառարան-ից

Հայերեն դարձվածք

  1. գալ մի բանի հանդիպել, դեմ–հանդիման գալ, դեմ առնել ◆ Բազմությունն անարգել հասավ Վասակի ապարանքին, և դեմ եկավ պարսպի դարպասին։ Դերենիկ Դեմիրճյան ◆ Հա ընկերներ, հիմա հարցը գալիս է դեմ ընկնում մեր էս օրերի աշխատանքին։ ◆ Այսպես զբաղվելով Մինաևի և նրա ստեղծած «կուսակցության» գործով՝ ես մեկ անգամ ևս դեմ ընկա գեստապոյի աշխատանքի պրովոկացիոն մեթոդների։ Սգ
  2. գալ մի բանի հասնել ◆ Վերչը էտ խըեղճ մաթը էնքան ա թանավ օտում, վըեր փորը մըծանում ա, քթեն տեմ ինգյում։
  3. արգելքի՝ խոչընդոտի՝ դժվարության հանդիպել ◆ Էս հարևանի վարելու ժամանակ խոփը մի տեղ դեմ է ընկնում, դուրս է գալի մի կարաս։ Հովհաննես Թումանյան ◆ Գիտնական քարտողարը դժվար էր կարդում, դեմ էր ընկնում երբեմն, ասես սայլի անիվի տակ քար էին դնում։ Գրիգոր Բալասանյան
  4. դիմակալել ◆ Փախի՜ր, ա՜խ, գլուխդ, ա՛ռ, կորի՛, որ պրծնիս,/ էս հեղիղին դու ի՞նչպես դեմ կընկնիս։ (Խաչատուր Աբովյան)
  5. չհամաձայնվել, առարկել ◆ Դու էլ մի քիչ դեմ ընկի՛ր ու հետո՝ երբ որ տեսնես, որ շատ են նեղում, խալխին դռանը հավաքի՛, խորհուրդ արեք։ (Պերճ Պռոշյան)
  6. հակառակվել, ընդդիմանալ ◆ Մերը շատ ա դեմ ընգնըմ, հմա դե թաքավորից վախըմ են, տալիս են։ ◆ Հա եսիմ փողի համար դեմ չընկնի։ (Խաժակ Գյուլնազարյան)
  7. համառել, պնդել ◆ Չէ՛, չեմ գա, համա տեհավ Քոսեն շատ ա զոռում, դեմ ընկնում, վերջը կակղում ա։
  8. դեմ ընկնել, նշանակում է համոզել

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։