դիմակը հանել

Վիքիբառարան-ից
Jump to navigation Jump to search

Հայերեն դարձվածք

  1. վատ էությունը քողարկելուց դադարել, իրեն բացահայտել ◆ Եվ կեղծավորը ուժաթափ եղած / Թող յուր ոսկեզօծ դիմակը հանի: Հովհաննես Հովհաննիսյան ◆ - Ալ ավելորդ է, ըսի՛ քեզի: Հանե՛ դիմակդ ու պատասխան տո՛ւր: Ի՞նչ է խոստացեր Թորոսը քեզի: Լևոն Շանթ ◆ Այնժամ նա կպատռի իր դիմակը և ստիպված կլինի բացատրել, թե ինչո՛ւ էր...խոչընդոտում: «Հայաստանի Հանրապետություն» ◆ Բավական է պ. Թորոսյան և նմաններ, վերցրե՛ք ձեր դիմակները և հրապարակ իջեք ձեր իսկական գույնով: (Աթաբեկ Խնկոյան) ◆ Ովքե՛ր են դիմակները վերցրել և ովքե՛ր դիմակավորվել: (Ղազարոս Աղայան) ◆ Առաջարկեցինք որ դիկանդ վար առնես, չառիր: Համենայն դեպս մենք ալ քեզ ճանչցանք [ճանճ-ցանք], բայց այս անգամ...դժբախտաբար: «Զարթոնք» ◆ «Յուսաբեր» [«Հուսաբեր] այդ հոդվածը չարտատպեց անշուշտ որովհետև իր երեսեն չի կրնար վար առնել «հայրենասերի» դիմակը: Պետրոս Դուրյան ◆ - Իհարկե դու չգիտես, թե ի՞նչ ջիզվիտն է...: Տես թե այս գործի մեջ դիմակը ի՞նչպես պիտի մերկանա: (Մուրացան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։