դռները բաց անել

Վիքիբառարան-ից

Հայերեն դարձվածք

  1. ազատ մտնելու, ելումուտ անելու հնարավորություն տալ՝ ստեղծել ◆ Բա բացել է իր դռները, և աշխարհի բոլոր կողմերից ձգվում են դեպի նա տունդարձի մեծ ու փոքր քարավանները։ Գուրգեն Մահարի ◆ Իսկ գյուղերում իրենց դռները լայն կբացեն 300 նոր, հարմարավետ առանձնատներ։ «ՍՀ» ◆ (Ալեք Մանուկյան Երիտասարդական Կեդրոնը)...իր դռները լայն բացավ իր սրտին մեջ։ «Զարթոնք» ◆ Բայց հենց որ սերը սառեցավ, միությունը քայքայվեց, դժբախտություններն էլ իրանց դռները բացին: (Մուրացան) ◆ Անոր հայրը իր դռները բաց էր ըրած Չարը զսպող բոլոր աշխարհիկ ուժերին: Հակոբ Օշական
  2. ազատ ելումուտ սահմանել ◆ - Եթե ես լինեի մեր պետության տեղը, կբացեի դռները և կասեի՝ «Գնացե՛ք, ձեր հե՜րն էլ անիծած»։ Սիլվա Կապուտիկյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։