դրոշակը պարզել

Վիքիբառարան-ից
Jump to navigation Jump to search

Հայերեն դարձվածք

  1. ինքնությունը հաստատել ◆ Իմ հոգու ձայնին ես հավատում եմ, / Եվ աղքատության ու երգի համար / Ես իմ դրոշակն ահա՛ պարզում եմ - / Եվ այսուհետև հավատըս պայծա՛ռ: Հովհաննես Հովհաննիսյան ◆ Արշակավանը որոշեց, միակամ ու միասիրտ, պարզել ապստամբության դրոշը: Անդրանիկ Ծառուկյան ◆ Արդի լույսերե հույս, հոգի ու զենք առնելով՝ ոտք կելնեն և իրենց ազգության դրոշակը ազգաց առջև կը պարզեն: (Մաթևոս Մամուրյան)
  2. հաղթանակը հաստատել ◆ Թե, իր ձեռքե՞ն կու գա, բանբեր ալեխռով. / Ի՞նչ, պարզեցի՞ն սահմանեն ներս թըշնամվույն / Դրոշակը սուրբ՝ զոր շինեցի իմ ձեռքով: (Դանիել Վարուժան) ◆ Գիտենք, որ նորը պատերազմով պիտի կանգնեցներ իր դրոշակը հնության ավերակների վերա: (Միքայել Նալբանդյան)
  3. գերակայությունը հաստատել ◆ Պետք է, վերջապես, մարդկային կյանքից բառնալ [«վերացնել»] կրոնի բռնության լուծը և դրա ավերակների վրա պարզել խղճի և մտքի ազատության դրոշակը: Ն-Դ
  4. այսինչ դիրքորոշումն ընդունել, ճանապարհն ընտրել ◆ Դառնորեն կը գանգատեին իրենց գլխուն եկածներուն և որոշում կը կայացնեին ըմբոստության դրոշը պարզել: Զապել Եսայան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։