ետևից ընկնել

Վիքիբառարան-ից
Jump to navigation Jump to search

Հայերեն դարձվածք

  1. ետևից գնալ․ հետևել ◆ Էլի իմ, ի՛մ ազիզ, ի՛մ սիրելի աշակերտներն էին ընկել ետևիցս, որ բալքի մեկ բան էլա իմանան։ (Խաչատուր Աբովյան) ◆ Ընկել է ջահել–ջուհուլների ետևից, հիմարացել, շաշ Կուպրի հետ ընկերացել։ Մաթևոս Դարբինյան ◆ Հետաքրքրությամբ դիտում էր խանութի և իր հետևն ընկած կանանց խմբի զգեստավորումը։ (Դերենիկ Դեմիրճյան) ◆ –Մի աչքի պոչով թղթերը րոպեական զննությունից հետո նրա հետիցն ընկնել, գնալ։ (Պերճ Պռոշյան) ◆ Եվ ես խելահեղ ինկա ետևեն, / Կարծես գրգռված իր վազքեն համառ։ Լևոն Շանթ ◆ Ստիպեց նրան շան նման յուր քամակիցն ընկնել, քծնվիլ, կեղծավորիլ։ (Պերճ Պռոշյան)
  2. հետապնդել․ կպչել ◆ Կատաղում է, ընկնում է աղջկա ետևից։ Հովհաննես Թումանյան ◆ Ընկավ Բայրամ Ալու ետևից, ուխտ կապելով, որ Ալուն կոր–կտոր անե, աղջիկը ետ բերե։ (Ավետիք Իսահակյան) ◆ Մեր ետևն է ընկել չարը, ինչպես վիթի ետևից, / Ինչպես կավատ անհավատը՝ իմ հավատի ետևից։ (Հովհաննես Շիրազ) ◆ Զինվորները հետևն ընկած՝ կոտորելով քշեցին նրանց այնտեղ վերջացնելու եղեռնը։ (Դերենիկ Դեմիրճյան) ◆ Եվ ո՞ւր են չքվել մարդիկ այստեղից․ / Օձե՞րն են շանթող ետքերից ընկել։ ◆ Քանիցս ձիավորների զինված խմբերը նրանց հետևիցն ընկած՝ որոնում գտնում են։ Վրթանես Փափազյան ◆ Խուճապային վազվուք մը, կարծես կարմիր բանակայինները ետևնուն ինկած ըլլային։ ԱրչՇ ◆ Պարսիկները միայն գտնելով, նրա քամակիցն էին ընկել բազմաթիվ ձիավորներով։ (Պերճ Պռոշյան) ◆ Ետևեն ինկա, մեկ երկուքի գողությունը բռնեցի; Լևոն Շանթ
  3. հալածել

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։