երազի նման՝ պես
Հայերեն դարձվածք
- արագ, աննկատ
◆ Մանկությա՜ն օրեր, երազի նման/ անցաք գնացիք, այլ չեք դառնալու։ (Միքայել Նալբանդյան) ◆ Ամառը անցավ երազի պես: Աչքդ խփեցիր բացիր՝ ամառ չկա։ Դերենիկ Դեմիրճյան ◆ Ումբրըս <<կյանք>> էրազի պես գընաց՝ ծառըս չի խերած գիդենաք։ (Սայաթ-Նովա)
- աղոտ
◆ Այսքանը միայն մութ կերպով երազի նման հիշում եմ։ Ն-Դ ◆ Թեև ես երազի պես եմ հիշում իմ ծննդավայրը, բայց նրա կենցաղը, նիստն ու կացը, սովորույթները շարունակվեցին այստեղ՝ Նոր Արաբկիրում։ Վահագն Դավթյան ◆ Մերկիրիոսը մեծ հորը անունն եղեր էր, մեծ հորը, որուն դեմքը երազի պես կհիշեր միայն։ Բենիամին Նուրիկյան
- որպես անձկալի մի իրողություն ◆ <<Երազի նման կը զգամ ինքզինքս հայրենի հողի վրա ոտք դնելե ի վեր>> <<Եր>>
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։