երեսին տալ

Վիքիբառարան-ից
Jump to navigation Jump to search

Հայերեն դարձվածք

  1. իբրև հանդիամանք կամ ամոթահարություն հիշեցնել ◆ -Դու միշտ իմ հոր աղքատությունը երեսովս ես տալիս: ԱլՇ ◆ Պարտական մնամ, եթե արած լավություններս գոնե մի անգամ էլ երեսովդ տված լինիմ: ԱլՇ ◆ Ոչ էլ հարկավոր է որևէ ժողովրդի երեսով տալ, թե նա չի կարող ապրել միայն իր արտադրանքով: Պերճ Զեյթունցյան ◆ Ամա օմքին համարցակվի ձիր պակասութինը ձիզ էրեսով տա, ղաբուլ կօնի՞ք դուք: Սունդ. ◆ -Ա՜, հայրս ալ գիտե՛ս, ամեն անգամ երեսիս տալով, որ բեռ մնացի իր հոգնած գլխուն…: Լևոն Շանթ ◆ Ոմանք ևս հեմ չեն ողորմիր, հեմ զխապիեթն յերես կու տան: Նալյան ◆ Թեզ-թեզ երես կուտար թե. «Հա ես քեզի պրծուցի, հա ես քեզի պրծուցի»: ◆ Խըլղի ճժեր հ'երես կիդեն, / Թը՝ «Դու բի՛ճ իս, անիձո՛ւկ իս»: ◆ Մենք նրա երբեմնի մոլորությունները երեստվանք չդարձնենք: Պարույր Սևակ
  2. հանդիման. խոսքեր շպրտել ◆ Ամեն օր ամուսնու երեսով էր տալիս, թե ինչ է շաքարավազ չի բերում: (Ակսել Բակունց) ◆ Ամեն հանդիպելիս երեսներովը պիտի տար - «տեսա՜ք. ինձ չլսեցիք»: Ստեփան Զորյան
  3. առաջ բերել (իբրև վատ արարքի հատուցում) ◆ -Լա՛վ, որ դու ես ասում, թե Աստված քո մեղքն ա երեսովդ տալիս. չար մարդը միշտ կպատժվի: (Պերճ Պռոշյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։