երկու ոտքը մեկ՝ մի կոշիկի՝ մուճակի մեջ դնել

Վիքիբառարան-ից
Jump to navigation Jump to search

Հայերեն դարձվածք

  1. ինքն իրեն ստիպել, նեղը դնել ◆ Իսկ դու, երկու ոտքդ մի կոշիկի մեջ դրած, համառորեն նոր դպրոցներ ես բացում։ Պերճ Զեյթունցյան ◆ - Գրպաններս պարապ են... երկու ոտքս մուճակի մը մեջ խոթած կը պտըտիմ։ Հակոբ Պարոնյան
  2. համառություն հանդես բերել. պնդել ◆ «Էս մեր Վարդանը երկու ոտը մի կոշիկ ա դրե, չի ուզում սովորի»։ ◆ Ուղղակի փարիզ հասնելով երկու ոտքը մեկ կոշիկին մեջ սեղմած կը կենար Ֆրանսիո դրան։ ◆ Երկու ոտքը մի ոտնամանում դրել ո՛չ աշխատում էր, ոչ էլ տված հրահանգները կատարում։ ◆ Եղբայրը երկու ոտքը մի սոլի մեջ դրած՝ կրկնում էր՝ «չեմ ու չեմ»։ Ահ ◆ Էրգու օդ մդուց մե սոլ, քյու առուգ [«առած»] շորըն չըմ հա՛քնի։ ◆ Կռվից հետո աղջիկը ջուխտ ոտքը սոլ դրեց, հոր տուն չգնաց։ ◆ Էրկու վեննը մին չըմշըկմը տինըմ (ա) թա. «Ես կքյինամ, էտ ըխճըկան կըքթնիմ, կպիրեմ»։ ◆ Երկու ոտը մի չվալում դրեց, թե չեմ գալիս որ չեմ գալիս։ ◆ Երկու ոտը մի փախչում ա դրել, թե գնանք Մոսկվա։ ◆ Էն կողմում երկու ոտքը մի գալոշի մեջ են դրել, թե խաչքարը խաչդաշ է որ կա։ «Գրական թերթ»
  3. պնդել. համառել ◆ Կա՛մ ես, կա՛մ նա շեշտում, պնդում ու ամրապնդում է Սիմոնը, երկու ոտքը մի կոշիկի մեջ դրած: «Ավանգարդ»

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։