զվարճանալ, զվարճության մեջ լինել ◆-Գալիս էին նստում, վայելում, ժամանակ անցկացնում եկող պատվելի ղոնաղի հետ։ (Պերճ Պռոշյան)◆Այս վերջին կամացուկ մը դուրս կելլե պալատեն, որպեսզի ժամանակը անցընե գիշերային ակումբի մը մեջ։ «Զարթոնք»◆Ամեն օր այդ երկու դրացիները միասին էին ժամանակ անցուցանում , միասին ուտում, խմում էին, քե ֆ անում։ (Մուրացան)◆-Ուսումնասիրելիք բան չմնաց տե [դե. «որ. քանի որ»], ասանկ պաըճիի [բախըջիի. «թամաշայի»] բաներո՞վ ատեն կանցընես կոր: Շահան Շահնուր
օրը վատնել ◆-Ինձ թվում է, որ ցերեկով ման եկողները, բոլորի ներկայությամբ իրար սիրողները միայն ժամանակ են անցկացնում, նրանց մեջ սեր չկա։ ◆Հիմար-հիմար զբաղումներով ժամանակ կանցընեինք: Անդրանիկ Ծառուկյան◆Քոշք, սարայումն [«պալատումն»] էլ շատ վախտ չի գիտի, / Ընչո՞վ իր վախտը որ անց կացնի: (Խաչատուր Աբովյան)
մի զբաղմունքի մեջ լինել ◆Անկյալ էմիրը Իրանի մեջ որսորդությամբ ժամանակ կանցըներ: «Զարթոնք»◆Միշտ գալիս էր գնում էր Թյութունճյան-օղլուի տունը ժամանակ անցուցանելու համար։ (Միքայել Նալբանդյան)◆Քաղաքական գործելու վրա խոսելով չեն անցուներ իրենց ժամերը: Հակոբ Պարոնյան
հանդիպում(ներ) ունենալու, հարաբերել ◆Միմյանց հաճախ հանդիպելը, զրուցելը և ընդհանրապես ժամանակ անցկացենելը երկուսի համար էլ դարձել էր բնական անհրաժեշտություն։ Ռուբեն Զարդարյան◆Բայց նույնիսկ, նո՛ւյնիսկ որդի դեպքեն վերջ..գնաց տեսավ Աղավնին, հաշտվեցավ ու միասին ժամանակ անցուցին: Շահան Շահնուր
հարաբերել, համատեղ ապրել ◆-Ամուսնանալես վերջը քանինե՜ր ըսին ինձ թե այդ ավանակին հետ ի՞նչպես ժամանակ կանցունես: Հակոբ Պարոնյան
կենակցել ◆Առհասարակ զբաղվում են քե ֆերով և եվրոպացի միսիոներուհիների հետ ժամանակ անցկացնելով: ◆Ժամանակ անցկացնել և սիրվել, ահա ինչ էին առաջարկում պարզորեն խարտիշահեր գեղջկուհիքը մեր սևաչյա ճանապարհորդին։ (Պերճ Պռոշյան)◆Ըսենց մի հինգ-տասը օր էկավ, հիրար հետ ժամանակ անկացրին:
