ի՞նչ անուն դնել

Վիքիբառարան-ից
Jump to navigation Jump to search

Հայերեն դարձվածք

  1. ինչպե՞ս բնութագրել կամ պատճառաբանել, ի՞նչ հասկանալ, ի՞նչ համարել ◆ Իսկ ազատել... ինչպե՞ս պատճառաբանել, ի՞նչ անուն դնել՝ բանիմաց է և աշխատանքի ներկայանում է ժամանակից շուտ: Մուշեղ Գալշոյան ◆ Չենե [չե՛նե, «թե չէ»] ի՞նչ անուն կը դնեն ինծի, որ չեն մոտիկնար: (Լեռ Կամսար) ◆ Չգիտեի, թե ինչ անուն պիտի տայի այդ տեսակցությանը, ինչով պիտի արդարացնեի միջամտությունս: Ն-Դ ◆ -Ծնողներին խոսք եմ տվել-լավ պահել, խնամել. ի՞նչպես ասեմ՝ գնա՛: Անունն ի՞նչ դնել: Ստեփան Զորյան ◆ Ի՞նչ անուն տալ այս երևույթին, ինչպե՞ս գնահատել իրենց արարքը: ◆ Ի՞նչ անուն կու տան այս տկարության, չեմ գիտեր: Վազգեն Շուշանյան ◆ Ի՞նչ անուն կտաս ապա այս լպրծուն ճիճուին, որ գլուխը ձվից դեռ չհանած, ինձ խրատներ է գրում: (Պերճ Պռոշյան) ◆ «Ծո քյոբօղլուքյոբեք [քյոփօղլուքյոփեք. «շունշանորդի»], ի՞նչ ըսե քեզի, ի՞նչ անուն տա այս ըրածիդ: Արմեն Դարյան ◆ Բայց քեզ համա՜ր... չգիտեմ, ի՞նչ անուն տամ ինձ... Քեզ համար չեմ զոհիլ իմ անձը: (Մուրացան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։