ինչ ես տվել, որ չես կարողանում վերցնել

Վիքիբառարան-ից

Հայերեն դարձվածք

  1. ասում են անընդհատ, միայն պահանջներ ներկայացնող մարդուն (մարդկանց ինչո՞վ է՝ են պարտական) ◆ Անընդհատ քիթդ կախ, պարտատիրոջ դեմքով ես դեմս ելնում։ Ի՞նչ ես տվել, որ չես կարողանում առնել
  2. ասում են մի բանով շարունակ ձանձրացնող(ներ)ին (ի՞նչ է՝ են ուզում) ◆ Աղոթք ունիս, քեզ համար պահի՜, քեզ համար պահի՜, որ մեզանից չես կարում ետ առնիլ (Խաչատուր Աբովյան) ◆ Ա՜յ տղա, յարաբ իմանայինք ՝ ինչ ես տվել էդ եթիմին, կարում չես առնի (ԽԳ)
  3. ասում են անընդհատ հակառակության մեջ եղող(ներ)ին (իրարից ի՞նչ են ուզում, ինչ ունեն բաժանելու) ◆ Հասկանըմ չեմ ախպեր․․․ ինչ են տվել, որ իրարից չեն կարըմ առնեն Ստեփան Զորյան ◆ Բայց թե երկուսս էլ աշխատավոր ենք։ Ի՞նչ ենք տվել, որ չենք կարող ետ առնենք իրարից Մաթևոս Դարբինյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։