ինչ մեղքս թաքցնեմ
Հայերեն դարձվածք
- անկեղ ասած ◆ Բայց, ինչ մեղքը թաքցներ, այդ շոյանքը դուր էր գալիս իրեն։ Պերճ Զեյթունցյան ◆ Ի՞նչ մեղքս ծածկեմ՝ ես նրան երբեմն համարել եմ անբարեխիղճ, անտարբեր բժիշկ։ Դերենիկ Դեմիրճյան ◆ -Ինչ մեղքս պահեմ, հետը պտտելու կ’ամչնամ [պտըտելու կամըչնամ] կոր։ Հակոբ Պարոնյան
- (հզվդ․) ճիշտն ասած ◆ Մեղքս ինչ թաքցնեմ էպոսը գիտեի հատվածաբար․ այն էլ մակերեսորեն։ «Եթեր» ◆ -Ինչ մեղքս պահեմ, ես էդ խռիկ Գեվոյի աղջկան երեսը չեմ ուզեր տեսնել։ Համաստեղ ◆ -Ի՞նչ մեղքս պախեմ․․․ էտա քեռ կնիկ, իմ խին նշանածն ի։ ◆ Իսկ ե՞ս․․․ ի՞նչ պահեմ իմ հանցանքը ես․ / Բարդ է ինձ համար աշխարհը մի քիչ։ Եղիշե Չարենց ◆ համեմատության համար՝ Ընդիանց գրեր են ուղարկում, որ ես կարդամ, դուք ականջ դնեք, բայց, մեղքս չեմ թաքցնիլ, ալարս էկել ա, թե կարդամ։ (Ղազարոս Աղայան)
- խոստովանում եմ, ընդունում եմ ◆ Մեղքս ինչ թաքցնեմ, ես էլ մի քիչ էդ Արշակի նման եմ․ խմում եմ, անհամություն անում։ Գրիգոր Բալասանյան ◆ -Մեղքս ինչ թագցնեմ, ձեռքս չգանց տամ։ Ահ ◆ -Առանց Մաքսիմի, ի՞նչ մեղքս ծածկեմ, ես այստեղ չէի կարողնան գործ կատարել։ Դերենիկ Դեմիրճյան ◆ Ի՞նչ մեղքս պահեմ, երբեմն ես ալ մասնակից կ’ըլլամ իր գինարբուքին։ (Տիգրան Չյոկյուրյան) ◆ -Ձեռքս գնացել էր կտավի վրա, մեղքս չեմ թաքցնում։ Սերո Խանզադյան ◆ համեմատության համար՝ Պատահում է, ինչ թաքցնեմ, այն էլ հաճախ, ոգելից խմիչքների ազդեցությունից երերալով եմ տուն վերադառնում։ «Ե»
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Պերճ Զեյթունցյան
- Քաղվածք/Դերենիկ Դեմիրճյան
- Քաղվածք/Հակոբ Պարոնյան
- Հայերեն հազվադեպ գործածությամբ բառեր
- Քաղվածք/«Եթեր»
- Քաղվածք/Համաստեղ
- Քաղվածք/Եղիշե Չարենց
- Քաղվածք/Ղազարոս Աղայան
- Քաղվածք/Գրիգոր Բալասանյան
- Քաղվածք/Տիգրան Չյոկյուրյան
- Քաղվածք/Սերո Խանզադյան
- Բառեր «Հայերեն դարձվածքների ընդարձակ բացատրական բառարան» գրքից