իրար անցնել
Հայերեն դարձվածք
- իրարանցում, տակնուվրայություն ստեղծվել ◆ Եվ ա՛ռ հա մի հատ Մանասի գլխին, ձեռքի դագանակով։ Իրար անցան, աղմուկ, աղաղակ եղավ։ (Ակսել Բակունց) ◆ Ազգային ժողովներն իրար կ'անցնին, լրագիրներն իրարու գլուխ կը պատռեն։ Մամ. ◆ Տատրագոմ իրար կ'անցնի հայ ընտանեկան հարկի այս սրբապղծութունեն։ Արշակ Չոպանյան
- խառնվել. իրար խառնվել ◆ Բոլորն իրար են անցնում, ընդառաջ են վազում, դիմավորում են վարպետին։ ՌԱր. ◆ Երբ տուն մտներ, տնեցիները իրար կ'անցնեին, փայտի անխնա հարվածներով չալոն դուրս կը ձգեին։ Համ. ◆ Ի՞նչ է այս իրար անցած օրերու... մեջեն մեր ստացած հոգեկան բավարարությունը։ Սեզա ◆ Արդեն ծայրեծայր փոթորկվող, իրար անցած երկրում... բախումները և լարվածության օջախները կուտակվում էին օրավուր։ «Եր.» ◆ Մեքենանները դանդաղեցան, գործավորներն իրար անցան ու գտան մարմնի կտորներ անիվերուն փաթթված։ Համ.
- եռուզեռի մեջ լինել կամ ընկնել ◆ Անիձորը աշխատանքի համար մի քիչ շատ է իրար անցել: (Հրանտ Մաթևոսյան) ◆ «Վաղը լրագրի մեջ իմ անունս տեսնողները անշուշտ պիտի իրար անցնին և հետաքրքրություն պիտի ունենան ինծի հետ տեսնվելու»։ Հակոբ Պարոնյան ◆ Կ'ոռնան մոլոսները, իրար անցած են դրան պահապան շուները։ Շավարշ Նարդունի ◆ Զուռնաչին փըչեց կոխի եղանակ, / ահել ու ջահել իրարով անցան: Հովհաննես Թումանյան համեմատության համար՝ ◆ Հավարն արդեն ընկած էր և լեռը իրար անցած: Խաչիկ Դաշտենց
- շփոթվել. մոլորվել. իրար խառնվել ◆ Գրիգորը, կարծես երազից սթափված, իրար անցավ և խնդրեց, որ մի քիչ էլ մնամ։ ԱբԱվ. ◆ Իրար է անցնում սոսկ այն ժամանակ, երբ գեներալները դուրս են գալիս միութենական ասպարեզ։ «Հայաստանի Հանրապետություն» ◆ Իրար անցավ խնամի Բաբեթը այս ծանր, անակնկալ այցելութենեն։ Օչ. ◆ Քանի որ ճակատագրականորեն անխուսափելի է այդ «եղելությունը», ինչո՞ւ անակնկալի գալ և իրար անցնիլ: Անդրանիկ Ծառուկյան
- անհանգստանալ ◆ Առաջարկեց առանձնացնել մարզպանի հարկը։ Շինականները այս լսելով իրար անցան: Դերենիկ Դեմիրճյան ◆ Այսչափ իրար կ'անցներ՝ լսելով որ իր մեջ խա ֆիե [«լրտես, իրազեկող»] մը կա։ Երվանդ Օտյան
- վիճել-կռվել ◆ Ես ակնաթարթում մենք իրար անցանք, / տեղ տվինք նույնիսկ տուր ու տմփոցին։ (Ալեքսանդր Ծատուրյան) ◆ Թոռները իրար կ'անցնին ցույց տրված տեղը ոչինչ տեսնելով։ Օչ
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Ակսել Բակունց
- Քաղվածք/Արշակ Չոպանյան
- Քաղվածք/Սեզա
- Քաղվածք/Հրանտ Մաթևոսյան
- Քաղվածք/Հակոբ Պարոնյան
- Քաղվածք/Շավարշ Նարդունի
- Քաղվածք/Հովհաննես Թումանյան
- Քաղվածք/Խաչիկ Դաշտենց
- Քաղվածք/«Հայաստանի Հանրապետություն»
- Քաղվածք/Անդրանիկ Ծառուկյան
- Քաղվածք/Դերենիկ Դեմիրճյան
- Քաղվածք/Երվանդ Օտյան
- Քաղվածք/Ալեքսանդր Ծատուրյան
- Բառեր «Հայերեն դարձվածքների ընդարձակ բացատրական բառարան» գրքից