իրար բերանից խլել

Վիքիբառարան-ից
Jump to navigation Jump to search

Հայերեն դարձվածք

  1. իրար ընդհատելով խոսել ◆ Ջարդելով էին ֆրանսերեն՝ կանանց հատուկ անդադրում շատախոսությամբ և խոսքերը խլելով իրար բերանից: Ն-Դ ◆ Այդ երեկո, Ճեյմս Ջեյմս և Սուրեն իրարու հետ խոսեցան երկար, վիճեցան, իրարու բերանե բառեր խլեցին: Համ. ◆ Մեկը մյուսի բերանից խոսքը խլելով՝ կենացներ էին առաջարկում: (Անահիտ Սահինյան) ◆ Նրանք պատմում էին, մեկ մեկու բերանից խլելով, հիմարկային ամենասովորական դեպքեր: Գուրգեն Մահարի ◆ Խումբ մը կապույտ աչքերով մանկուհիներ ինկան բեմ ու սկսան արագությամբ չռվողել, բառերը խլելով իրարու բերնե: Վազգեն Շուշանյան ◆ Խեղճ պատմությունը միմյանց շուրթերից խլելով պատմում էին ինքն ու Հակեն, հիշում էին: Մուշեղ Գալշոյան ◆ Իրարու բերնեն կը հափշտակեին ճառերը, գինիի գավաթներն և Սահմանադրությունը: Հակոբ Պարոնյան ◆ Ու իրարու բերնե խոսքեր կը կտրեին: Համ. ◆ Զարմանում եմ. եղանակն ի՞նչ է, որ մեր կոմպոզիտորները այսօր իրար բերանից են խլխլում: (Լեռ Կամսար) ◆ Հավքը հավքի բերանից խոսք էր խլում. / Ողջ անտառն էր մի հավք դառած ծլվլում: Համո Սահյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։