մեկին՝ մի բանի համար մրցել, փորձել իրարից առաջ ընկնել ◆ Ամեն տեղ ցանկալի հյուր էր, ամենքը խլում էին նրան իրար ձեռքից: Ն-Դ ◆ Սովետական Միության գիտակ նացիստ «փորձագետներին» իրար ձեռքից էին խլում: «Ավանգարդ»◆ Հիմա Միքայելին ձեռքից ձեռք խլում են, ամեն կողմից աղջիկներ են առաջարկում։ (Րաֆֆի)◆ Համալներ զիրար կը հրմշտկեին, սնտուկներն [սնդուկներեն] իրարու ձեռք խլելուվ: Համ ◆ Այսօր դեսպաններին տառացիորեն ձեռքից ձեռք են թռցնում: Երեկոյան Երևան◆ Դեռ 17 տարեկան էլ չկար (մոդելը), իսկ նրան արդեն ձեռքից ձեռք էին փախցնում: «Հայաստանի Հանրապետություն»◆ Զինքը ձեռքե ձեռք հափշտակել ուզող էրիկ մարդուց ճաշակին վրա ալ շատ մը խնդացին։ (Գրիգոր Զոհրապ)◆ Կըսեն որ մեծ ապագա ունի. խըյախ բառթի [փարթի, «լավ պարտիա»] է, իրարու ձեռքե կը քաշեն կոր: Երվանդ Օտյան◆ Կը թրվռային վրան, ձեռքե ձեռք կը քաշեին զինքը, իր դրամի տեր ըլլալը գիտնալով։ (Գրիգոր Զոհրապ)
մեկին մի բանի մեծ արժեք տալ. շատ հավանել ◆ Լևոնին այնտեղ սիրում էին։ Նավաստիները խլում էին նրան միմյանց ձեռքից: ԱլՇ ◆ Նրանց մեջ հիրավի կային այնպիսի «բանաստեղծություններ», որ մեր այսօրվա գենորարները ձեռքից ձեռք կխլեին։ Գուրգեն Մահարի◆ Գիրքը լույս տեսնելուն պես սիրվեց, ընթերզողները զայն իրարու ձեռքե կը խլեին:◆ Կը պաշտեինք Քոքինաքին. հայ, հույն, տաճիկ, եվրոպացի ձեռքե ձեռք կը քաշեին զինքը: Գզ ◆ Էս մեր կարդալ ճսիրող ազգը Ռոպենսոնի [Ռոբենսոնի] պատմությունը, Պղնձե քաղաքի հիմար գիրքը ձ եռնե-ձեռ էր ման ածում: (Խաչատուր Աբովյան)
