գզվռտել, իրար միս ուտել ◆ Մարդիկ իրար ուտում են, կողոպտում են, սպանում են բարոյապես։ Հովհաննես Թումանյան◆ Թշնամին էլ աչքերը չորս արած նայում է, թե ե՛րբ ենք «իրար ուտելու», որ ինքն ել լեշակեր ցինի բնազդը նորոգի։ «Հայաստանի Հանրապետություն»◆ Կը դժվարանայի հավատալ, թե մարդիկ գազաններու պես իրարու վրա հարձակված՝ իրար կ’ուտեին։ Աշոտ Հովհաննիսյան◆ Էն վախտն ա քաղաքը մտնոմ, որ սաղ Վրաստանը, Կավկազը դոնմիշ էլած «շուռ եկած»՝ մեկ-մեկու ուտելիս են ըլում։ (Խաչատուր Աբովյան)◆ Պրոլետարներ՝ ամե՛ն ազգությն ու ցեղի՝ / Իրար հանդեպ կեցած տարինե՜ր է արդեն, / Որ լափում են իրար՝ մղված դեղին / Կապիտալի ձեռքվ։ Եղիշե Չարենց
կատաղի վիճել՝ վիճաբանել ◆ «Էսօր Մանասենք էլի ուտում են իրար»։ Ստեփան Զորյան◆ Երկու ժամ է երկու եղբայր իրար կերան։ Դերենիկ Դեմիրճյան
Հայերեն դարձվածք
կուտակվել ◆ Թղթապանակում քաղաքացիների դիմումներն արդեն իրար են ուտում։ «ՍՀ» ◆ Էն օրը խանութում երշիկ էին ստացել․ հերթն իրար էր ուտում։ «Հայաստանի Հանրապետություն»◆ -Ի՛նչ ընեմ, Ղուկաս աղա, գիտես օրերը երկնցան, գործերին ալ իրար րեն ուտեր կոր յա։ (Արփիար Արփիարյան)
