իրեն կորցնել
Հայերեն դարձվածք
- ուշթափվել․ անգիտակից վիճակի մեջ ընկնել ◆ Այստեղ ինձ կորցրի։ Աչքերս մթնեց Զառանցանքն հատավ ւ տեղի տվեց Տկարությունը վաստակած մարմնիս։ Լերմոնտով ◆ Չուխաճյանը [Չուխաջյանը] մինչև վերջին վայրկյանը ինքզինքը չի կորցնուց։ «Զարթոնք» ◆ Եվ շարունակեցին խմել այն աստիճան, որ պարտապահանջը գրեթե ինքզինք կորցուց։ Երվանդ Օտյան
- շփոթվել ◆ Այժմ այս մարդը շփոթվեց և իրան կորցրեց։ (Պերճ Պռոշյան) ◆ Մանկահասակ աղջիկը նրա ձայնից սոսկաց, սարսափեցավ և միանգամայն կորցրեց իրան։ (Րաֆֆի) ◆ Շփոթի մատնված, առանց սակայն ինքզինք կորսնցնելու․․․ ամենայն լրջությամբ մի քանի տող կ’արտասանե։ Վահրամ Մավյան
- մոլորվել․ անելիքը չիմանալ ◆ Ասես սառը ջուր էին մաղել Պետու գլխին։ Իրեն կորցրել էր, շիվարել։ (Ակսել Բակունց) ◆ Սակայն հոն ուր չեմ կրնար սփոփանք գտնել զիս տառապեցնող ցավեն, ինքզինքս կը կորսցնեմ։ ԶԱս ◆ Հայրն այնքան «կորցրել է իրեն», որ իր տանը, մոր սարքած տանը պիտի նստի մի «գաղթական»։ Ստեփան Զորյան
- սաստիկ հուզվել ◆ Մի րոպե ես ինձ կորցնում եմ։ Առհասարակ երբ կինը ալիս է՝ ես ինձ կորցնում եմ։ Գուրգեն Մահարի ◆ «Պզտիկ, նիհար, ջղային կին մըն է որ բոլորովին կորսնցուցած է ինքզինքը և քիչ մը, քիչիկ մը գոնե իր վիշտը ծածկելու կարղությունը չունի»։ Շահան Շահնուր ◆ Խեղճ տղա՛, քանի Թիֆլիսին մոտենում էր, իրեն կորցրածի պես էր լինում։ (Պերճ Պռոշյան)
- Ուշաթափ լինել ◆ Եթե նրա փոխարեն թույլ նյարդերով մի մարդ լիներ, հավանաբար իրեն կորցներ, հուսահատվեր։ Երեկոյան Երևան ◆ - Չէ, եղբայր, Սմբատ Մարկիչն իրեն բոլորովին կորցրել է, այսպես ասած, ղեկը ձեռից բաց է թողել։ ԱլՇ
- (փխբ․) հավասարակշռությունը չպահել, իրենից դուրս գալ ◆ Երբեմն նա այնպես էր զայրանում ու բորբոքվում, որ կորցնում էր ինքն իրեն։ Սոլովցովա ◆ Ու քանի անցնում են ժամերը, օրերը կայարանները, այնքան ավելի գազազում ենք ու կորցնում մեզ։ Գուրգեն Մահարի ◆ Երկուշաբթի, երբ իմացած էր եղելությունը, բարկութենեն ինքզինքը կորսնցուցած էր։ Արմեն Դարյան ◆ Այո՛, նույն միջոցին ցնորական տենդե մը բռնված՝ ինքզինքս կորուսի և եթե ձեռքս տային քեզ՝ արյունդ կը խմեի։ (Մաթևոս Մամուրյան)
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/«Զարթոնք»
- Քաղվածք/Երվանդ Օտյան
- Քաղվածք/Պերճ Պռոշյան
- Քաղվածք/Րաֆֆի
- Քաղվածք/Վահրամ Մավյան
- Քաղվածք/Ակսել Բակունց
- Քաղվածք/Ստեփան Զորյան
- Քաղվածք/Գուրգեն Մահարի
- Քաղվածք/Շահան Շահնուր
- Քաղվածք/Երեկոյան Երևան
- Հայերեն բառեր փոխաբերական իմաստով
- Քաղվածք/Արմեն Դարյան
- Քաղվածք/Մաթևոս Մամուրյան
- Բառեր «Հայերեն դարձվածքների ընդարձակ բացատրական բառարան» գրքից