իրեն հաշիվ տալ
Հայերեն դարձվածք
- ծանրութեթև անել, քննել ◆ Եվ ահա թե ինչու, առանց ինձ հաշիվ տալու, գրեթե բնազդաբար...իմ փոքրիկ ուղեղը սկսեց զբաղվել իր տեսածը ճանաչելով։ (Վահրամ Փափազյան) ◆ Ընդհանուր զայրույթով և վրեժխնդրությամբ լցված, բազմությունը ինքն իրեն հաշիվ չէր տալիս իր արածի համար։ Աշոտ Հովհաննիսյան ◆ Հիմա էր հաշիվ տալիս իրեն և զգաստորեն հաշիվ տալիս, որ հենց այդ սարսափներն է կրել իր քույրը։ Դերենիկ Դեմիրճյան ◆ Ինքզինքիս հաշիվ կու տամ, ավա՜ղ, թե չափազանց եսասեր եմ այդ բաղձանքն ունենալով։ Թեք. ◆ Ամեն օր համար կու տար իրեն՝ վայելած բոլոր շնորհներուն։ (Գրիգոր Զոհրապ)
- մտորել, խորհրդածել ◆ Խորհու՞մ էր, հաշի՞վ էր տալիս իրեն, կշտամբու՞մ։ Դերենիկ Դեմիրճյան ◆ Հետո նստա քարի մը վրա և ես սկսա ինծի հաշիվ տալ թե՝ այս անմեղ թռչունները ինչքան շատ թշնամիներ ունին։ «Նարդ.» ◆ Եվ մինչև այժմ դեռ չեն կարող հաշիվ ու համար տալ ինքյանց, թե ինչ պատճառով ջարդվում էին և ինչ էին կամենում դուրս բերել այս բաբելոնյան խառնակութենից։ (Միքայել Նալբանդյան) ◆ Հապա և կռվում էին գյուղը գյուղի հետ, ցեղը ցեղի հետ, առանց իրանց արածի համար հաշիվ տալու, առանց պատճառը քննելու, իմանալու։ ԱՀ.
- (հաշիվ ու համար տալ) անդրադառնալ (քննել) ◆ Հաշիվ չեն տալիս, թե բարոյական անկման ինչ պերճախոս «հուշարձաններ» են դրանք։ Սիլվա Կապուտիկյան ◆ Ժողովուրդը կը քալե իր ճամբով ու հաշիվ ալ չի տար երբ կը զրպարտե։ Օշ.
- հասկանալ, գիտակցել ◆ «Թշնամին մոտենում է դարբասների... և ամեն մի նաիրցի պետք է պարզ հաշիվ տա իրեն, թե ի՞նչ է նշանակում այդ»։ Զ ◆ Մենք էլ ենք հարգում Արծրունուն, բայց հաշիվ ենք տալիս մեզ, թե ինչու համար ենք հարգում և ինչու համար անարգում։ Հովհաննես Թումանյան ◆ -Դու սպասիր, դու ու՞մ հետ ես այդպես խոսում...:Դու քեզ հաշիվ տալի՞ս ես: (Հրանտ Մաթևոսյան) ◆ Կինն իրեն հաշիվ չտվեց, որ ամուսին ունի, երկու մանկահասակ երեխա։ «Եր.»
- հասկանալ, կողմնորոշվել ◆ Լեոն ինքն էլ հաշիվ չէր տալիս՝ հավանու՞մ է նրան, թե՞ ոչ։ Զորայր Խալափյան ◆ Ինչու՞ այդպես արի, ի՞նչն էր իմ իսկական մտադրությունը՝ ես ինձ հաշիվ չէի տալիս: Դերենիկ Դեմիրճյան ◆ Դեռ ինքս ինծի հաշիվ չտված՝ թե այդ կրկնոցը ինչպես էր վրաս նետված, Վարդուհին ինքը ցատկելով ներս մտավ սենյակ։ Լևոն Շանթ
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Վահրամ Փափազյան
- Քաղվածք/Աշոտ Հովհաննիսյան
- Քաղվածք/Դերենիկ Դեմիրճյան
- Քաղվածք/Գրիգոր Զոհրապ
- Քաղվածք/Միքայել Նալբանդյան
- Քաղվածք/Սիլվա Կապուտիկյան
- Քաղվածք/Հովհաննես Թումանյան
- Քաղվածք/Հրանտ Մաթևոսյան
- Քաղվածք/Զորայր Խալափյան
- Քաղվածք/Լևոն Շանթ
- Բառեր «Հայերեն դարձվածքների ընդարձակ բացատրական բառարան» գրքից