իր գլուխը մտնել

Վիքիբառարան-ից

Հայերեն դարձվածք

  1. հասկանալ ◆ Գիշեր ու ցերեկ դասս սերտում էի ու սերտում, գլուխս մի բան չէր մտնում։ (Րաֆֆի) ◆ Ես չեմ հասկանում․․․ գլուխս չի մտնում։ (Դերենիկ Դեմիրճյան) ◆ Այդ տեսակ պարապ խոսքը գլուխս չի մտներ։ Լևոն Շանթ ◆ Ես քեզի 20 ղուրուշի մանրուք տվի, մանրուք, խաֆադ կը մտնա՞ կոր։ Երվանդ Օտյան ◆ Գլուխդ չի՞ մտնում, որ եթե դինամիտը բռնվի՝ կիմանա, որ կամրջի համար ենք եկել։ (Դերենիկ Դեմիրճյան) ◆ «Խղճմտանքդ դինջ ըլի, նրա (տերտերի) ասածը գլխումդ մտնի»։ (Խաչատուր Աբովյան)
  2. պատկերացնել, հասկանալ-համոզվել ◆ Ոնց որ տեսնում եմ մեր ֆերմայի գաղափարը լավ չի մտել էս կնանոց գլուխը։ ◆ «Հարցրին, հետաքրքրվեցին, պատմեցին՝ ինչ որ գիտեմ։ Գլուխները մտավ»։ (Վարդգես Պետրոսյան)
  3. հղանալ ◆ Ո՞րտեղից գտավ այդ զինագործներին, ինչպե՞ս գլուխը մտավ թնդանոթ ձուլելու բանը։ Սերո Խանզադյան ◆ Մի անգամ նրա գլուխը մտավ մի գերազանց միտք․ կարելի է ավելի քիչ ուտելիքը գնելով էլ ապրել։ «Կանչ»
  4. համակվել (զգացմունքներ և այլն) ◆ Այդ ինչ հիմարություն է մտել գլուխդ։ Չասացի՞ մի ներշնչիր քեզ։ (Բաղիշ Հովսեփյան) ◆ Այն ցավեն քիչ մըն ալ իմ գլուխս մտեր է։ Թլկ․
  5. մի մտքով ՝ գաղափարով սևեռուն կերպով տարվել, գլուխն ընկնել ◆ Ի՞նչ է գլուխը մտել պարսկերե՛ն հա պարսկերեն, պարսից զորական արվե՛ստ, պարսից պաշտոնյա՛։ (Դերենիկ Դեմիրճյան) ◆ Ա՜յ, ատիկա է հիմա մտեր գլուխս, թե մե՛նք ալ այս բերդին մեջ այդ տեսակ անգղներ ենք։ Լևոն Շանթ ◆ Եվ ընչի՞ համար գլուխդ մտել է կարդալ գրելը։ (Պերճ Պռոշյան) ◆ Վերջին ժամանակներս Էդիտը մի նոր մոլուցքով է տարված․ մտցրել է գլուխը, թե կոչված է նկարչի դառնալու։ ◆ Բայց ո՞վ է մտցուցեր այդ հիմա պատմությունը քու գլուխդ։ Ի՞նչ արշավանք, ի՞նչ բան։ ◆ Է՛հ, շատ hարկավոր ա, ի՞նչ եմ գլուխմս մտցրել, թե մենք կորանք։ (Պերճ Պռոշյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։