իր ձայնը կտրել

Վիքիբառարան-ից

Հայերեն դարձվածք

  1. լռել ◆ - Գիտեի և այն, որ եթե այդ հարի ֆին պաշտպան կանգնեմ, ինձ աֆարիմ [«ապրես»] չեն ասի, ձայնս կտրեցի: Գուրգեն Մահարի ◆ - Ձեն ու ծպտունը կտրեց ու պապանձվեց։ (Պերճ Պռոշյան) ◆ Էս (մարթու ծեծը) միտն էբի [«բերեց»] Մակակոն ու սաս ու սորախը կտրից: Գաբրիել Սունդուկյան
  2. աղմկելուց դադարել ◆ Այդ շենքի բնակիչները, ձայները կտրած, սուսուփուս սպասում են։ («ՍՀ») ◆ «Նվագեմ, թող ձայները կտրեն»: Դերենիկ Դեմիրճյան
  3. չբողոքել. չգանգատվել ◆ Էֆենդին վաղուց նկատած էր այդ երկու եղբայրների մեջ մի սաստիկ հակակրություն դեպի ինքը, այդ պատճառով պատվիրեց նրանց ևս կալանավորել, որ ձայները կտրեն: (Րաֆֆի)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։