իր ձեռքն առնել
Jump to navigation
Jump to search
Հայերեն դարձվածք
- ղեկավարությունն ստանձնել, գլխավորել ◆ Նա մտածում էր իր գնդերը իր ձեռն առնելու մասին։ Դերենիկ Դեմիրճյան ◆ Կառավարության ղեկը ձեռք առնելուն պես նույն ներքին ապստամբ և զինակիր մարդիկը ... զինաթափ ըրավ։ Մամ.
- (ձեռքերի մեջ) նվաճել. զավթել. տիրել ◆ Աթիլը միակն է, որ իր ձեռն է առել արևելքն ու արևմուտքը և զսպում է ցեղերին։ ◆ Համբարձումը վաղուց արդեն շրջակա գյուղերը իր ձեռքն էր առել: Ադ. ◆ Բավական է, որ նա մի անգամ իր ձեռքերի մեջ առավ կոլխոզը։ Նա այևս նրան բաց չի թողնի։ (Նաիրի Զարյան)
- (արևմտհ․) (ձեռքերի մեջ՝ ձեռքին մեջ) իր իշխանության տակ վերցնել ◆ Մարդուն ամբողջովին իր ձեռքն է առել, տիրում է տանը, տիրում է դրսում։ (Լեո) ◆ Կտակը հնարել էր Միքայելին իր ձեռքերի մեջ առնելու համար, և արդեն առել էր: ԱլՇ ◆ Գուշակեց եղբորս նկարագիրը ու ձեռքին մեջ առավ զայն։ Հրաչ Զարդարյան ◆ Մարգարիտ մոքիրը տունը նորից իր ձեռն առավ ու սկսեց եփել, հավաքել, մաքրել։ Ստեփան Զորյան
- տիրանալ ◆ Լիակատար իրավունքն յուր ձեռքն առած՝ գլխին (էր) հավաքում յուր մի քանի համախոհ իշխաններին։ (Պերճ Պռոշյան) ◆ Նրանց ուզածն էլ հենց այդ է, չեզոքացնել Լևոնին, ղեկավարությունն առնել իրենց ձեռքը և քայքայել։ (Նաիրի Զարյան) ◆ Միամոր է ու կը սպասե հորը մահվան ... տունը իր ձեռքերուն մեջ առնելու համար Օշ.
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։