լեզու թափել
Հայերեն դարձվածք
- շարունակ խոսել. շաղակրատել ◆ Հերիք լեզու թափեցի... երբ իրար մոտ ենք, ափ ի բերան կը մնանք... իսկ հեռանալով շատախոս կը դառնանք։ ◆ Բայց ի՜նչ լեզուներ է թափում այդ հակառակորդը խորհրդային իշխանության։ Դերենիկ Դեմիրճյան
- (լեզուներ թափել) խոսել, բերան հոգնեցնել (մի բան խմդրելու, մեկին համոզելու ևս. համար), համոզիչ խոսքեր խոսել ◆ «Յոթ կաշի տվեցի... ինչ լեզու ասես չթափեցի, մինչև կարողացա համոզել, որ խուզարկության օրդեր գրեն»։ ◆ -Խեղճ Սաքոն էլ, ինչքան լեզու ուներ՝ թափեց... կես սհաթով քեզ մոտ գալուս հրամանն առավ։ (Պերճ Պռոշյան) ◆ Բավական լեզու կ՜ը թափես համոզել զիս որ սիրույս գույնով չնկատեմ աշխարհն։ ◆ -Աղեկ ամա գործը մինչև հոն բերի նե [որ]՝ ի՞նչ լեզուներ թափեցի, գիտե՞ս կոր։ Երվանդ Օտյան ◆ Թակավորն ի, ինչ լեզու որ կթափցուցի, չի կանա վեր ուր ախչկան։
- հաճոյախոսություններ՝ գեղեցիկ խոսքեր շռայլել ◆ Վաղը պիտի լեզու թափես, / Խեղճ Գրեթխենին պիտի խաբես, / Տաս երդումներ հանդիսավոր։ ◆ Լիվաշովը մեղրած լեզու էր թափում զինվորական ժողովներում։ Սերո Խանզադյան ◆ -Իմ հրովարտակը ոչ մի աղդեցություն չէր ունենա Եվսեբիոսի վրա, եթե դու ճարտար լեզու թափած չլինեիր: Պերճ Զեյթունցյան ◆ Գերմանացին անընդհատ լեզու կը թափեր և կը հրամայեր որ դուրս ելլենք։
- վրա-վրա գովեստի լավ խոսքեր շարել ◆ Թակարդ պատվիրելիս լեզու են թափում, երդվում, թե իր բաժինը ամենալավ տեղից է լինելու։ (Վախթանգ Անանյան) ◆ Բարձին երեսը դեռ նոր լվացված, կըսեր ինծի, լեզու թափելով ապրանքը քշել ուզող վաճառականի մը պես։ (Գրիգոր Զոհրապ)
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
◆ Լիվաշովը մեղրած լեզու էր թափում զինվորական ժողովներում։