լեզվի կապերը արձակել

Վիքիբառարան-ից
Jump to navigation Jump to search

Հայերեն դարձվածք

  1. լռությանը վերջ տալ,ազատ խոսել,լեզվին ազատություն տալ ◆ -Գոնե ինձ պատմիր անգլիական այդ մոգերի մասին․․․։Վերջապես արձակիր լեզվիդ կապերը, ախպերս։ Աղավնի ◆ -Դու էլ հրաման տու՛ր [«արտոնի՜ր»]․․․ լեզվիս կապերը քանդեմ, ո՛ւմ սիրտս ուզում ա՝ մի սրտալի, կուշտ ու կոռ ուշունց տամ։ (Պերճ Պռոշյան) ◆ Իր ճարտար լեզվին կապերը քակելով՝ շինծու կամ իրական դեպքեր նկարագրեց։ Վահե Հայկ ◆ -Կապը ան է որ սերը կը կապե լեզուն, իսկ նախանձը խանդը լեզվին կապը կ՛արձըկե։ Լևոն Շանթ ◆ Միայն թե ըսելե առաջ՝ իմ բերանս կը փնտռեր․․․ թե մինչև ո՞ր աստիճան պետք էր քակել լեզվին կապը։ (Ռուբեն Սևակ) ◆ Միջոց մը կինը կը ջղայնանա չխոսելեն, ուստի դրացիին տունը կ՛երթա՝ ազատորեն քակելու իր լեզվին կապանքները։ ◆ Ահա Եղոյի արտասանած խոսքերը, որոնք լեզվիս փականքը բաց արին։ (Պերճ Պռոշյան) ◆ Մարդը պահանջ էր զգում լեզվի սանձերը բաց թողնելու։ ◆ Բոլոր ուժըս հավաքելով լեզվիս կապը կըզեցի, / Աղաչելով, աղերսելով հետը էսպես խոսեցի։ Հովհաննես Թումանյան

Աղբյուրներ[խմբագրել]

Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։