լեզվի տակ ընկնել
Հայերեն դարձվածք
- խոսակցության, բանբասանքի նյութը դառնալ ◆ Եվ ահա մահից հետո... նրանք ընկած են նույն հասարակության լեզվի տակ: Հովհաննես Թումանյան ◆ -Թեկուզ թողաք էլ, ես չեմ ուզիլ. խալխի լեզվի տակ չեմ ընկնիլ։ (Պերճ Պռոշյան) ◆ Նալպանտենց Նալբանդենց հարսը դեռ չեր ինկած գեղին լեզուն։ Հակոբ Օշական ◆ Օհ, թշնամիս չի ընկնի չար լեզվի տակ, / Ամեն կողմից կմաղեն գլխին կրակ։ (Ջիվանի)
- մեկի սրախոսության երգիծանքին ենթարկվել ◆ Նա սիրում է կատակել։ Եվ աստված մի արասցե, եթե նրա լեզվի տակ ընկնես: «Գրական թերթ» ◆ Ջահելների արհամարանքին չի ենթարկվել, ջահելների լեզվի տակ չի ընկնել: (Պերճ Պռոշյան)
Աղբյուրներ[խմբագրել]
Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։