լույս աշխարհ բերել

Վիքիբառարան-ից
Jump to navigation Jump to search

Հայերեն դարձվածք

  1. ծնել ◆ Մի ժամանակ նրա հղի մայրը շանթի հարվածի պատճառով, նրան լույս աշխարհ է բերել ժամանակից շուտ: Եվրիպիդես, Բաքոսուհիներ ◆ Եվ իբրև իր փառքը վերջին / Քո հորն ՝ լույս աշխարհ բերել: Եղիշե Չարենց ◆ Ո՞ր խեղճամիտ արարածը պիտի հանդգներ անխնամ թողուլ զինք լույս աշխարհ բերողները: «Զարթոնք» ◆ Եվ բնությունն ինձ պայել է թաքուն, / Որ նորից սիրով լույս աշխարհ բերի: Համո Սահյան ◆ -Կնիկ, չորանար քո արգանդը, որ էդ լակոտին լույս աշխարհ չձգեիր: ԱլՇ
  2. հաըտնաբերել, բացահայտել, մեջտեղ հանել ◆ Այս պեղումները... լույս աշխարհ բերին անհավատալի հարստություն: «Նաիրի» ◆ Մեծ մայրիկը լույս աշխարհ բերեց. «Ռոբինզոն Կրուզոյի» հայերեն արգմանության հնամաշ, կաշեզարմ մի ճրինակ ու ինձ տվեց կարդամ: Լևոն-Զավեն Սյուրմելյան ◆ Կա ֆարներու և Հասոներու դեմքերը լույս աշխարհ բերելու համար տարիներե ի վեր աշխատանք կատարող...Ճիվանյաններ կրնան օրինակ հանդիսանալ: Սարգիս Յ․ Ճիվանեան ◆ Այնքան սիրով ու գուրգուրանքով լույս աշխարհ է հանում նրա նվիրական դավթարը: Ստեփան Զորյան ◆ Դեռ ի՜նչ գանձեր - անհուն, անծիր - պիտի հանես դու աշխարհ, / Եթե անդուլ կյանքիդ վրա անդուռ գիշեր չչոքի: Եղիշե Չարենց ◆ Իմ արատները լույս աշխարհ հանելով ոչ թե նվաստացնում, այլ, ընդհակառակը, պանձացնում է ինձ Նանարի աչքում: (Խաժակ Գյուլնազարյան)
  3. ստեղծել, հրատարակել, լույս ընծայել ◆ Մի եզակի անձնավորություն ինչպե՛ս է կարողացել...լույս աշխարհ բերել նման բազմահատոր կոթողային երկասիրություն: «Սովետական գրականություն» ◆ Իրար ետրից լույս աշխարհ չհանեին երիտասարդ արձակագրի երախայրիքը: Գևորգ Արշակյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։