լույս աշխարհ գալ

Վիքիբառարան-ից
Jump to navigation Jump to search

Հայերեն դարձվածք

  1. ծնվել ◆ Առաջին անգամ քո երկրիդ սահմաններից դուրս գալը ինչ-որ տե նորից ծնվելու, լույս աշխարհ գալու պես մի բան է: Ռազմիկ Դավոյան ◆ Հեռավոր Մադրասում լույս աշխարհ եկավ հայերեն առաջին պարբերականը՝ «Ազդարարը»: «Հ աշխ»
  2. երևան գալ, հայտնվել, մեջտեղ ընկնել ◆ Այդ նախագծի լույս աշխարհ գալը պայմավորված է նրանով, որ վերջին մի քանի տարում լճում տիղմի հաստ շերտ է գոյացել: «Ավանգարդ» ◆ Բայց Աշխենը հաշտվել չգիտեր, զգացմունքները հորդում, թափվում էին աթերից, պայթում, լույս աշխարհ ելնում նույնիսկ սեփական հոգու միջից: Պերճ Զեյթունցյան ◆ Որոշ գաղտնիքներ կարող են խորհրդային բլոկի նախկին գործակիցների մոտ թղթապանակներից Աստծո լույս աշխարհ դուրս գալ: «Հայք» ◆ Նման խղճուկ մարդիկ, լույս աշխարհ դուս գալ չհամարձակվելով, աղբարկղեր են քրքրում: «Ավանգարդ» ◆ Ու բոժոժից / Լույս աշխարհ... / Չորս թևանի / Նաշխնկար: ԱթԽ
  3. ստեղծվել, տվել, հրապարակել ◆ Վեպս տպագրում է:...Երկու տարվա անքուն գիշերների աշխատությունս լույս աշխարհ է գալիս խեղդանդամված, այլանդակված: Ն-Դ ◆ -Իսկ ե՞րբ է ավարտվելու, ե՞րբ է լուսաշխարհ գալու այդ գործը: (Հրաչյա Քոչար) ◆ Կարծես թե նման երկ երբեք էլ լույս աշխարհ չի եկել: «Սովետական գրականություն»
  4. դեպի լույս դուրս գալ ◆ Նրանք ազատ շունչ քաշեցին՝ մռայլ բանտից լույս աշխարհ դուրս եկած մարդու նման: ՎԱն․ ◆ -Գնա գտիր տղայիդ, հասկացրու՝ թող դուրս գա լույս աշխարհ:Նրան դատից փրկվել չկա, բայց որ դուրս գա, լավ կլինի: Զորայր Խալափյան ◆ Սրանք թեթև հանցանքներ գործած տղաներ էին, որ մի երկու ամիս բանտում դեգերելուց հետո լույս աշխարհ էին ելնում: (Ավետիք Իսահակյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։