խելքը տալ

Վիքիբառարան-ից

Հայերեն դարձվածք

  1. մեկով մի բանով տարվել ◆ Մեկին կասեմ, որ խելքը տղամարդկանց չտա, մյուսին, որ աղջիկներին չտա ուշք ու միտքը: ◆ -Նվարդին ուզել են Ադամյանի տղային՝ էն ավարային, որ խելքը տվել էր ձիերի, քե ֆերի: Ստեփան Զորյան ◆ «Ըսավ թե պետք է ջանամ խելքս կարին տալ և աչք մտնալ հայրիկիդ»: Շահան Շահնուր ◆ Այդ ապուշ գյուղացիները իրենց բոլոր խելքն ու միտքը տվեր են դպրոցին, որուն համար այժմ կ’աշխատին մի հատուկ շենք շինելու: Երվանդ Օտյան ◆ -Ամենքն ալ քաղաքագետ են եղեր. խելքերնին ու մտածմունքնին տվեր են այն քաղաքագետ ճիվաղներին մեքենայությանց: Պետրոս Դուրյան ◆ Աքլորն իր խելքը տա սիրային բանաստեղծություններ գրելուն... լսած կա՞ս: (Գուրգեն Մահարի)
  2. ուշադրությունը մի ուղղությամբ կենտրոնացնել ◆ Նա իր խելքը - եթե ունի, և երևում է, որ ունի ինչ-որ յուրատեսակ մի խելք - այդ խելքը տվել է բոստանի։ (Դերենիկ Դեմիրճյան) ◆ -Տղաս, Մաղա՛ք, խելքդ կյանք- մահի մի տար , դգալի՛ տուր, դգալի՛։ Էդուարդ Բոյաջյան ◆ Վերջին ժամանակներում ամենքն իրանց խելքն ու միտքը տվեցին դպրոցներին, և ամեն լույս նրանից էին սպաում։ (Րաֆֆի) ◆ Էրիկ կնիկ խելքերնին մտքերնին Արմիկին տվին․ աղվոր աղվոր նայեցան, մեծցուցին։
  3. մի բանով հրապուրել ◆ Իսկ ես՝ հիմարս, ես՝ անուղղելիս, / Խելքս տվել եմ թովչանքիդ էլի / Ու բռնել քեզ հետ խենթության ճամփան։ Պարույր Սևակ ◆ -Խելքդ ու՞ր է։ Տուն չունինք, խելքդ համալսրանի՞ն տված ես։ (Դերենիկ Դեմիրճյան) ◆ համեմատության համար՝ -Խելքդ տվել ես անուշ խաղողին, բեռի տակ կքել ու կպել հողին։

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։