խելքից դուրս

Հայերեն դարձվածք

1. անմիտ ◆ - Խելքից դուրս բաներ մի խոսի, - կծու ասաց Սեդրակը։ (Աղասի Այվազյան) ◆ - Էլի ի՞նչ երեկվա պես խելքե դուս խակ դատողություններ կուտաք։
2. անմտորեն, առանց երկար-բարակ մտածելու ◆ - Դու չիմանաս, թե ես կյանքից ձեռք քաշած մարդ եմ կամ խելքից դուրս գործ բռնող։ (Մ․ Սարգսյան)
3. մտքին, դատողությանն անմատչելի ◆ Ձեր խելքից դուրս բաներից խոսեք ու գրողներին քննադատեք։ Հովհաննես Թումանյան ◆ Կրոնական վիճաբանությունը, կրոնը մեկնելն յուրյանց խելքիցն էլ դուրս բան էր։ (Պերճ Պռոշյան)
4. արտակարգ․ արտառոց ◆ Այդ ժամանակ նա դարձյալ մի քանի հրաշք ցույց տվեց՝ խելքից, մտքից դուրս ու «սովորական»։ «ՍՀ» ◆ Արտակարգ, խելքե մտքե դուրս բան մը ըլլար կարծես ըսած, պատմածը։ (Հակոբ Մնձուրի) ◆ Տիսնա թակավոր էս թյաթբիր [«պատվեր․ կարգադրություն»] խելքյից մտքից տյուս ի։ Նախրչին
5. աներևակայելի․ անհավատալի․ չտեսնված ◆ - Շատ լավ է, խելքից դուրս է, զարմացավ Արուսը։ (Հրանտ Մաթևոսյան) ◆ Զարհուրանքով կը նայեր այս խելքե դուրս կախարդության։ Հակոբ Օշական ◆ Բայց դեպքն էլ դաժան էր, աննախընթաց, խելքից մտքից դուրս։ (Հրանտ Մաթևոսյան) ◆ Ընտրում էր խելքից, մտքից դուրս տեղեր, որպեսզի աննկատ մնան, և ոչ ոք ոչինչ չկասկծի։ Պերճ Զեյթունցյան ◆ Քեզ կը սիրեմ, Հրանտ, խելքե միտքե դուրս սիրով մը։ Հրանտ Ասատուր ◆ Գիտնականը երբեմն հավատում է «ամենաանհավանական և մտքից դուրս երևույթների հնարավորությանը»։ «Գար․»
6. չափազանց ◆ Նրա հորաքույր Մանիշակը որպես սկեսուր խելքից դուրս վատ էր Արուս տատի համեմատությամբ։ (Հրանտ Մաթևոսյան) ◆ Կատարածին խելքե դուրս անսովորությունն էր թերևս պատճառ որ դրացիներուն թարմ ու սուր զգայարանքները... մնացին լուռ։ Հակոբ Օշական ◆ Ինչի՞ վրա զարմանամ՝ անչափահաս փարավոնի հետ դրամբանված խելքից_մտքից դուրս հարստությա՞ն, թե... գործածվող իրերի միանմանության վրա։ Սիլվա Կապուտիկյան

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։