խելքի մոտ

Վիքիբառարան-ից

Հայերեն դարձվածք

  1. որոշ չափով լավ մտածված ◆ Ուրիշ պայմաններում գուցե ես գտնեի համապատասխան մոտեցում, իսկ հիմա խելքի մոտ ոչ մի բան չեմ կարող մտածել։ Գուրգեն Մահարի ◆ Խելքի մոտ բան էր...: Գհուտը ընդունեց այդ միտքը։ Դերենիկ Դեմիրճյան
  2. հավատալու, ճշմարտամոտ ◆ -Հնարում ես՝ խելքի մոտ բան հնարիր։ «Գրական թերթ» ◆ -Խելքի մոտ բան է ասում, իմ արևը։ Մաղդաշ, ի՞նչ կասես. հե՞. հավատո՞ւմ ես։ ԱլՇ ◆ Այն ժամանակ Սո ֆիկ հանըմ ավելի խելքի մոտ միջոց մը որոնեց բժշկին հետ իր մտերմությունն արդարացնելու ու պահպանելու համար։ (Գրիգոր Զոհրապ) ◆ Լուր մը... շատ ավելի տրամաբանական ու խելքի մոտ էր քան հայերու առուծախի լուրը։ Երվանդ Օտյան
  3. (բրբ․) խելքից մոտիկ, հավանական ◆ Գողը ինչպե՞ս կարող է բարձրանալ վերև, նիզակի ծայրից կախված քսակը առնել, իսկի խելքի մոտ բա՞ն է։ (Ավետիք Իսահակյան) ◆ Մի օր... խնամի Օհաննեսը տուն մտավ, իսկ ես, խելքի՞ մոտ բան է, նստած մնացի, վեր չթռա, աթոռ չտվի։ (Վարդգես Պետրոսյան) ◆ Առվին քովը կեցա ըսեր, խելքի մոտ խոսք մը չէր։ Առվին քովը ժամ մը կը կեցվի՞: (Հակոբ Մնձուրի) ◆ -Շատ խելքից մոտիկ, դրանից հավատալու ա, որ ինքը կրակ գցած ըլի։ Հովհաննես Թումանյան ◆ Բայց եթե իրան օգուտ, հասկանալի ու խելքիցը մոտիկ բան ես ասում, ծիծաղում է վերադ։ (Ղազարոս Աղայան)
  4. հնարավոր- իրագործելի ◆ -Բայց մի՞թե խելքի մոտ բան է փախուստը...: -Ես էլ տեսնում եմ, որ փախուստը հազիվ թե գլուխ գալու բան է։ Դերենիկ Դեմիրճյան ◆ Հերը ըխճկա խոսքը խելքից մոտիկ ա հաշվում, ռյազի ա կենում։ Սանասար և Բաղդասար

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։