խոսքը մեկ անել

Վիքիբառարան-ից
Jump to navigation Jump to search

Հայերեն դարձվածք

  1. միանալ ◆ Հարևանը, վարորդի հետ խոսքը մեկ արած, իր հոգու հետ է խաղում: Մուշեղ Գալշոյան ◆ Խոսքերնիս մեկ ըրինք և սուսիկ-փուսիկ մեր տանիքը ելանք, հոն խաղալու համար: Բենիամին Նուրիկյան ◆ Աշխարհ խոսք մեկ ըրեր էր կարծես Զարուհին իբրև խաբեբա և անսիրտ էակ մը ցույց տալու համար: (Գրիգոր Զոհրապ) ◆ - Գեղովի խոսքը մին արե'ք, սև քցեցեք: (Պերճ Պռոշյան) ◆ Ունկնդիրները կարծես խոսքերը մեկ` չլսելու տվին «նա»-ն: Գուրգեն Մահարի ◆ «խոսքը մին անինքյ,քաշինքյ մեյդան, թակինքյ, խրատինքյ»: ◆ Մի շուն ու մի աքլար խոսք ու մին են անում, փաղչում իրենց տիրոջից: Հովհաննես Թումանյան
  2. համաձայնություն կայացնել ◆ - Յոթը խաչապաշտ պետություն խոսքը մեկ են արել, որ բոլշևիկին ջնջեն աշխարհից: (Նաիրի Զարյան) ◆ Բայրամ Ալին խոսքը մեկ արավ աղջկա հետ, ու մեկ գիշեր էլ աղջկան փաղցրեց, տարավ սարը: (Ավետիք Իսահակյան) ◆ Օրվան առաջնորդ վարդապետին հետ խոսքը մեկ ըրած` գաղտնի բանակցություններ կը կատարեր Պապական Գերպայծառին քովը: (Թլկատինցի) ◆ - Արի խելք խելքի տանք, խոսկ ու մին անենք, մեր էս թողերիցը մի քիչ պհենք: ◆ Ճարըները կտրվեց, խոսքըմին արին, որ մորն էլ աղջկա հետ տանին բերդը: (Խաչատուր Աբովյան)
  3. Միահամուռ հանդես գալ ◆ - Մահվան հրեշտակները, խոսքը մեկ արած, ընկել են զորքի մեջ` կը հնձեն: (Մ․ Սարգսյան) ◆ Ինչպես, իրարու ետևե, խոսք մեկ ըրած աղետները ափ առին անոնց տունը: Հակոբ Օշական ◆ Եվ քարավանը շարժվում է դատարան, ճանապարհին` աղմկելով, խոսքը մեկ անելով, մահկներով: (Ակսել Բակունց)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։