ծուռ աչքով նայել

Վիքիբառարան-ից
Jump to navigation Jump to search

Հայերեն դարձվածք

  1. անբարյացական, ոչ համակրական վերաբերմունք ցույց տալ ◆ Իսկ դու ընկերներիդ չասես, թե քեզ համար աշխատանք եմ ճարել, թե ծուռ աչքով կնայեն ինձ, կմտածեն, թե ես եմ քեզ փչացրել: Վիկտոր Բալայան ◆ Առավոտը գնում եմ հանդը, իրիկունը գալիս, մեկ մարդու ծուռը աչքով չեմ մտիկ տալիս, էլ մեղքս ո՞րն ա: (Խաչատուր Աբովյան)
  2. հետի մտքեր ունենալ (տղամարդու մասին) ◆ Օրիորդ Սաթոյի օրինակով են այսօր սրճարան մտնում բազմաթիվ կանայք ու աղջիկներ, մտնում են մեծ մասամբ ընկերովի ու արդեն ոչ մեկի մտքով չի անցնում նրանց ծուռ աչքով նայել: ՆԱդ ◆ Վերջերս գեներալ Ալոշը մի տեսակ «ծուռ» աչքով էր նայում Օլգա Վասիլևնային և Շիկահեր Դդումին: Եղիշե Չարենց ◆ Ես ի՜նչ գիտեմ, էլավ ձենձնեց, թե տեքրը իրեն ծուռ աչքով կը նայի: Համ
  3. վատ, յուրացնելու մտադրությամբ մոտենալ ◆ Հայրական խորհուրդներ ստացավ հանրության ունեցվածքին ծուռ չնայելու մասին: (Հրանտ Մաթևոսյան) ◆ Զորապետը զորքի եկամտին էր ծուռն աչքով նայում, արյան դեմ գնացող զինվորի սև հացի պատառին էր դավաճանում: (Պերճ Պռոշյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։