ծուռ նայել

Հայերեն դարձվածք

1. անբարեհաճ՝ նենգ վերաբերմունք ցույց տալ ◆ - Ինչե՞ն պիտի վախնանք: Հում հում կ'ուտենք մեզի ծուռ նայողը: (Հակոբ Մնձուրի) ◆ - Քեզ ծուռը մտիկ անողի աչքը քոռանա: (Խաչատուր Աբովյան) ◆ Իր արհեստին ծուռ իշկողը (նայողը) կուշտ չուտեր [չո՛ւէտեր]: Արամ Ղանալանյան
2. հակակրանքով, արհամարհանքով վերբերվել ◆ Հենց սկզբից ծուռ էր նայում ամեն կարգի «ինքնորոշման»՝ այն հայտարարելով «հակահեղափոխական»: «Գրական թերթ» ◆ Թատրոնին ծուռ նայեցանք՝ պատճառելով թե սիրային դեպքեր կը գործադրվին թատերաբեմին վրա: Պետրոս Դուրյան ◆ Երբեմն քթին տակեն կը մռմռա և ծուռ ծուռ կը նայի Աբրահամ աղային, որ կը վաստկի խաղը: Հակոբ Պարոնյան
3. բարկություն արտահայտել ◆ Բրիժիտը ծուռ նայեց ամուսնուն: Նա ամեն ինչ հասկացել էր: Վահե Քաչա ◆ Հայրս և մայրս ինձ ծուռ կը նային գաղտնի կամակորությանս համար: (Մաթևոս Մամուրյան)
4. նախանձ արտահայտել ◆ Թե՛ նրա ընկերուհիները և թե՛ հարևանուհիները ծուռ կնայեն նրա վրա. «Մի տես, քանի օգնական է ձեռք գցել»: «Ավանգարդ»
5. վատ մտքով մոտենալ, դարպասել ◆ Սաղ սաղ իր ձեռքով պիտի քերթե անոնց հարսին ծուռ նայողը: (Աշոտ Հովհաննիսյան) ◆ - Էմինեին ու Բեսիին [Փեսիին] ծուռ աչքով մի՛ նայիր... ո՜վ գիտե, ջահիլ ես, միտքեդ բաներ մը կ՚անց[ը]նես: (Աշոտ Հովհաննիսյան)

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։