ծտի թևով
Հայերեն դարձվածք
- շատ արագ, իսկույն ◆ Թուղթը ծալծլվեց, եռանկյունի դարձավ։ Ռս ծտի թևով փոստ հասա։ ◆ -Հենց խորհրդակցությունը վերջացավ, մենք թռչունի թևով հասնելու ենք Սև ժայռերը։ (Վախթանգ Անանյան) ◆ Անիկա թռչունի թևով հասեր էր կրակին։ Հակոբ Օշական ◆ -Հիմա կը տեսնես... իմ Պարույրը թռչունի թևերով քեզի կը բերե քու աղջիկդ։ Սիմոն Սիմոնյան ◆ Հա, ինձ հանգամանքները մանրամասն կգրես։ Ղուշի թևով էլ է կհասնեմ։ (Ակսել Բակունց) ◆ Սալդաթ հերոս նամակ գրեմ / Հավքի թևով հերս գա։ ◆ համեմատության համար՝ -Տուն հասնելուդ նամակ գրե, ես դրամդ ճնճղկա թևերով կը հասցնեմ քեզի։ Վահե Հայկ ◆ -Ես չուշացա, տեր իմ, թռչունի թռիչքով հասա, տեր իմ։ (Րաֆֆի) ◆ Բեզարած ջանիդ ղուրբան, / Ծըտից թև առ, թե՛զ արի։ (Ավետիք Իսահակյան)
- թևավոր փոստով ◆ Ինչպես հնարեց, որ այդ մեքենան նամակներ է տանում ուրիշ քաղաք, ազգ ու բարեկամի և «ծտի թևով» նրանցից լուր է բերում։ (Ակսել Բակունց) ◆ Նամակը սարերի վրայով և թռչունի թևով հասնում է ոսկի մի տուն, և թռչունը նամակը դնում է թագավորի թախտին։ ◆ ՈՒ էդպես գնացել էիր ու գնացել, անհետ կորել. գոնե ղուշի թևով էլ է լուր չէին ուղարկում կամ քամու միջոցով ապսպրանք։ Մաթևոս Դարբինյան ◆ Թուղթ կըգըրեմ գյուրջի կալմով [«պարսկական մատիտով»], / Քեզ կյողրկեմ կուշի թևով:
մ#
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։