կյանքի թելը կտրել
Հայերեն դարձվածք
- կյանքի ((գրբ․)՝ կենաց) թելը (թելերը) կտրել ((հզվդ․)՝ խզել, կարճացնել, կարճել) մեկի մահվան պատճառ դառնալ, մեկին մեռցնել ◆ Անահիտի վերքը ծանր էր։ Կարող էր այս իսկ պահիս կտրել նրա կյանքի թելը։ Դերենիկ Դեմիրճյան ◆ Իրենց անարգ ոճիրով, երիտասարդ կյանքին թելը կը կտրեն դեռատի կնոջ մը և անոր արգանդին մեջ շնչող և ապրող անմեղ մանուկի մը։ «Զարթոնք» ◆ ...Որ ինչպես սըրի հարվածներ բեկ-բեկ / Կտրում են կյանքիս թելերը մեկ-մեկ։ (Ավետիք Իսահակյան) ◆ Աստվածուհի՛, սնարիս քով ինձ տեսնել թույլ մի՛ տար / Հետամնաց ժամանակն, որ առանց ճիչ ու ցավի / Երկար կյանքի մը կու գա կտրել անպետ թելն երկար։ (դը Ռենիե, Գրիսիլլա) ◆ - Թող Պարկայք կենացս թելը կտրեն եթե երբեք չպիտի արժանանամ Սոֆիին ամուսին ըլլալու։ Հակոբ Պարոնյան ◆ Եվ դա արդեն վերջին, կյանքի թելը խզող օյինը կլինի։ (Ալեքսանդր Ծատուրյան) ◆ «Ես կարճացրի քուղը, դրա հետ՝ նաև իմ կյանքի թելը»։ «ՍՀ» ◆ Մեծ հույս էր խոստանում ապագայում, եթե անգութ մահը չկարճեր նորա կենաց թելը։ (Պերճ Պռոշյան)
համեմատության համար՝ ◆ Անարդար, անողոք դեպք մըն էր անոր կյանքի թելին խզումը։ Անդր
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։