կյանքի և մահվան
Հայերեն դարձվածք
(գրբ․)՝ կենաց և մահու (մահու և կենաց)
- ճակատագրական նշանակություն ունեցող, օրհասական ◆ Վերջին ուժերը հավաքելով... հայրենական պատերազմ սկսեց թշնամու դեմ, կյանքի ու մահու կռիվ։ (Գևորգ Էմին) ◆ Քո ծանր անցյալից հասար այս ներկան / Կենաց ու մահու ճանապարհներով։ Պարույր Սևակ ◆ Եվ նա մահու ու կենաց կռիվ սկսեց իր ձագերին փրկելու համար։ (Վախթանգ Անանյան) ◆ Դպրոցներով, կազմակերպություններով, եկեղեցիով... կենաց-մահու պայքարի մեջ է այլասերումի ուժերուն դեմ։ «Յառաջ» ◆ Քյոմյուրճի [քյոմյուրջի, «ածխագործ»] Ավագին բարի կամ վատ կամեցողությունը դարձավ մահու և կենաց խնդիր։ Զապել Եսայան ◆ Իբրև առաջին խնդիր՝ առնում ենք տնտեսական խնդիրը և անվանում ենք նորան՝ մահու և կյանքի խնդիր։ (Միքայել Նալբանդյան) ◆ Տարրերուն [«տարերքի»] հետ ոգորելե ետքը անհավասար կռիվը մահու ու կյանքի, վերջապես ոտք կը կոխենք Թյություն-Չիֆթլիկի ծովեզրին վրա։ Օննիկ Չիֆթե-Սարաֆ
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։