կյանք առնել

Վիքիբառարան-ից
Jump to navigation Jump to search

Հայերեն դարձվածք

  1. կենդանանալ, կենդանություն՝ կենդանի շունչ ստանալ (փխբ․) ◆ Նաիրին էր հին ու հազարամյա. հառնում էր, կյանք էր առնում: Եղիշե Չարենց ◆ Մայում է անուշ ամլիկը գառան. / Սարեր ու ձորեր նորից կյանք առան: ՎԱիր ◆ Տետրակս կյանք առավ, կենդանացավ, վեպի նման բան մը դարձավ: Լևոն Շանթ ◆ Ըզհունձ բարեաց [«բարիքների»] յերկինս [հերկինս] հանենք, / Որ կյանք առնուն Հայոց դաշտեր: (Մկրտիչ Խերանյան)
  2. ծնվել, ծնունդ առնել (փխբ․) ◆ Եվ ցավի մեջ, այնտեղ, ուր որ / Քրտինքը մի արյունաներկ / Գետի նման է ընթանում, / Պարզ, փառահեղ ու խստաշունչ / Մի նոր քերթված է կյանք առնում: Ադիանալ դու Ֆոնսեկա
  3. իրագործվել, իրականանալ ◆ Կոմունիստների շատ քննադատական դիտողություններ և առաջարկություններ, այո, կյանք են առել, կոնկրետ օգուտ տվել: Երեկոյան Երևան ◆ Թաթիկները՝ գալիքիս արծվաթևերն են թովիչ, / Մանուկներս՝ կյանք առած երազներիս երեկվա: (Հովհաննես Շիրազ)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։