Jump to content

կյանք մտնել

Վիքիբառարան-ից

Հայերեն դարձվածք

  1. սոցիալական գործունեության լծվել, կյանքի ապարեզ նետվել ◆ - Շուտով կավարտես ինստիտուտը, պատմաբան կդառնաս, «կյանք կմտնես»։ Գրիգոր Բալասանյան ◆ Այսօրվանից դու իսկական կյանք ես մտնում, մտնում ես ճշմարտության և արդարության համար մղվող պայքարի մեջ։ ◆ Իսկ հետո, երբ մտնում են կյանքի մեջ․․․ բարոյական սկզբունքները թափում են ծովը, գրպանները լցնում։ ԱլՇ ◆ Բուժված էր քանի մը անգամ, մտած դարձյալ կյանքի մեջ, և անմիջապես սկսած կոշկակարի չարաչար իր աշխատանքին։ Վահրամ Մավյան ◆ Պետք էր կրկին նետվիլ կյանքին մեջ, պետք էր կրկին մաքառիլ կյանքի կռիվին մեջ։ Շահան Շահնուր ◆ Բայց ահա՛ կյանքի նա դպրոց մտավ, / Եվ, գիտե՞ք, իդեալն ի՛նչ բանում գտավ - / Հարուստ օժիտով մի աղջիկ առավ / Եվ կընկա փողով․․․հայտնի մարդ դառավ։ (Ալեքսանդր Ծատուրյան) ◆ Ներկայումս սովորում են այդ միջնակարգ դպրոցի 8, 9, 10-րդ դասարաններում և ավարտելով կյանք են դուրս գալիս։ (Լեռ Կամսար)
  2. հասունանալ, իբրև հասուն մարդ հանդես գալ ◆ Իկ հոր համար մեղուներն ավելի կարևոր պրոբլեմ են եղել, քան վաղը կյանք մտնող աղջիկը։ «Ավ․» ◆ Ախր Նարգիզը նոր է կյանք դուրս եկել նա նոր է սովորել գրել-կարդալ։ Դերենիկ Դեմիրճյան ◆ Արբունքահաս պատանու պես / Նոր է միայն նա կյանք մտնում, / Նա ինքն իրեն նոր է գտնում։ Պարույր Սևակ
  3. կյանքում իրագործվել ◆ Այժմ օրենքը պիտի է կյանք մտնի, պետք ե մասնակցի հաըոց նորանկախ պետության զորացման ընթացքին։ «Հայաստանի Հանրապետություն» ◆ Տեսաբանները մոլեկուլների արտասովոր վարքագծի գաղտնիքը դեռ հետազոտռում են, իսկ նորույթը կյանք է մտել։ «Եր»․

Աղբյուրներ[խմբագրել]