կողքով անցնել

Հայերեն դարձվածք

1. անտեսվել. զանց առնվել ◆ Ուրեմն ես միշտ ամաչում էի նախնիներիս առաջ, երբ անցնում էի անարդարության կողքով: Զորի Բալայան ◆ Արվեստը օրենքի կողքից է անցել: Դերենիկ Դեմիրճյան ◆ Մենք ուշադրություն չէինք առնի այս զրպարտչագիրը, ինչպես որ կողքից անցել-գնացել են նման բազմաթիվ սադրանքներ։ «Խորհրդային Ղարաբաղ» ◆ Եվ իմ մասին բոլոր թերահավատներուն և չարախոս ստախոսներուն քովեն կ'անցնիմ արհամարհական ժպիտով մը միայն։ (Դանիել Վարուժան) համեմատության համար՝ ◆ Ես չեմ անցնում այլևս քնի կողքով: Պարույր Սևակ
2. անուշադրության մատնել ◆ Անկյունից լացի ձայներ են լսվում, / ու լացի կողքով անցնո՜ւմ են մարդիկ: Սիլվա Կապուտիկյան ◆ Շատ մը բաներ կը նշմարե, սակայն քովեն կ'անցնի, ականջ չի կախեր։
3. բաց թողնվել. վրիպել ◆ Սակայն հաղթանակը կողքով անցավ. դաշտի տերերը պատասխան գնդակը խփեցին։ «Եր.» ◆ Բայց Սպասսկին անցավ հնարավորության կողքով: «Եր.» ◆ Մարդիկ իրենց կյանքը ունին, անկախ ժամանակնեն որ անցնի իրենց քովեն, առանց դպնալու։ Վահրամ Մավյան
4. մի կողմ թողնել ◆ Մի երկու հարցի կողքով անցավ, մի հարցի պատասխանը եղավ՝ - Չգիտեմ։ Գուրգեն Մահարի
5. անմասն մնալ ◆ Երկրորդ համաշխարհային պատերազմը Կանադայի կողքով չի անցել: «ՍՀ» ◆ Դարերից ի վեր մենք կյանքի մոտից ենք անցել: Կոստան Զարյան
6. ուժով չափվել. փորձել կռվել կամ հաղթել... ◆ Բայց էն էլ ասած՝ Ավագի ահից / Ո՞վ կարա անցնել Ալ-վարդի մոտով, / Կամ թե փախցնել նրան աղբյուրից՝ / Ո՞վ կարա իսկի անցկացնել մտքով։ ՎՄիր... ◆ Մեռնի՛, կտրի՛, Սաքոյի կողքովը չի կարող անց կենալ: (Պերճ Պռոշյան)
7. կպչել, վնաս տալ ◆ - Չթույլ տամ պարոն Գալուստի այգու մոտովն անցնելու: ն.

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։